Кыргыз Республикасынын Президентине караштуу Инвестициялар боюнча улуттук агенттигинин, “Бишкек” ЭЭАнын жана Кыргыз Республикасынын мамлекеттик-жеке өнөктөштүк борборунун өкүлдөрү “Улуттук тазалык күнү” демилгесин колдоо максатында жалпы улуттук ишембиликке чыгышты. Белгилей кетсек, Улуттук агенттик экологиялык иш-чараларга активдүү катышууда. Ишембиликтин жүрүшүндө Сейил жаратылыш паркынан Байтик айылына чейинки жолдун боюндагы аймак тиричилик таштандыларынан тазаланды. Эске салсак, “Улуттук тазалык күнү” жана тиричилик таштандылары менен иштөө боюнча натыйжалуу инфраструктураны түзүү – бул Кыргыз Республикасынын Президенти тарабынан 2022-жылдын 6-сентябрындагы №305 Жарлыгында коюлган маанилүү милдеттердин бири. Бул демилгенин алкагында республиканын бардык шаарларында жана калктуу конуштарында ишембиликтер өтүп жатат. Улуттук агенттик бардык кыргызстандыктарды өлкөбүздүн экологиялык тазалыгын сактоого өз салымын кошууга чакырат.
Кыргыз Республикасынын делегациясы Стамбул шаарында (Туркия) “Бир алкак – бир жол” жана “Орто коридор” жаңы рынокторунун Конгрессине жана көргөзмөсүнө катышты. Кыргыз Республикасынын Президентине караштуу Инвестициялар боюнча улуттук агенттигинин директорунун орун басары Н.М. Баясов “Бир алкак – бир жол” жана “Орто коридор” жаңы рынокторунун конгрессинин жана көргөзмөсүнүн ачылышында куттуктоо сөзүн сүйлөдү. Ал эл аралык аренада тез өзгөрүп жаткан кырдаалды эске алуу менен иш-чаранын актуалдуулугун белгиледи. Н.Баясов “Орто коридор” жана “Бир алкак – бир жол” демилгесинин бир бөлүгү экенин жана Батыш менен Чыгыштын, Түштүктүн жана Түндүктүн ортосундагы соода-экономикалык мамилелерде маанилүү орунду ээлей турганын баса белгиледи. Бул транспорттук байланыш биздин өлкөлөрдүн экономикасы үчүн стратегиялык мааниге ээ, ал өнөктөштүк кызматташтыктын диапазонун кеңейтет жана ошону менен аймактагы соода операцияларын көбөйтөт. “2021-жылы Кыргызстандын Түркия, Азербайжан, Кытай, Грузия, Казакстан, Өзбекстан жана Түркмөнстан менен тышкы соода жүгүртүүсү 3,5 млрд. АКШ долларын, ал эми 2022 – жылы-6,6 млрд. АКШ […]
2023-жылдын 14-сентябрында Кыргыз Республикасынын Президентине караштуу Инвестициялар боюнча улуттук агенттиктин директору Талантбек Иманов менен «China Energy Engineering Corporation» кытай компаниясынын өкүлдөрүнүн жолугушуусу болду. Электр станцияларын курууга жана аларга жабдууларды чыгарууга адистешкен компания Кыргызстанда инвесторлор үчүн түзүлүп жаткан мүмкүнчүлүктөргө кызыкты. Жолугушуунун жүрүшүндө эки тараптуу кызматташтыктын алкагында компанияга берилчү жеңилдиктер жана преференциялар тууралуу маселелер талкууланды. Улуттук агенттиктин директору Талантбек Иманов инвесторлор үчүн жагымдуу шарттарды түзүүгө артыкчылыктуу көңүл бурарын, учурда кыргыз-кытай мамилелери жогорку деңгээлге чыкканын белгиледи. Аталган компания Ысык-Көл облусунун Тору-Айгыр айылынын аймагында кубаттуулугу 500 мВт болгон күн электр станциясын куруу ниетин билдирди. Долбоордун рентабелдүүлүгү боюнча изилдөө жана инвестициялык келишимди даярдоо иштери жүрүп жатат.
Кыргыз Республикасынын Президентине караштуу Инвестициялар боюнча улуттук агенттик жана Шаньдун провинциясынын (КЭР) өнөр жай жана маалымат департаменти Кыргыз Республикасы менен Кытай Эл Республикасынын ортосунда корпоративдик кызматташуу боюнча ийгиликтүү конференция өткөрүштү. Иш-чараны Министрлер Кабинетинин төрагасы А.Жапаров жана Шаньдун провинциясынын партиялык комитетинин катчысы Лин У ачты. Эки тарап тең эки өлкөнүн ортосундагы экономикалык кызматташтыкты жана инновацияларды өнүктүрүүнүн маанилүүлүгүн баса белгилешти. Кыргызстандын өкүлдөрү инвестициялык жана технологиялык кызматташтыкты кеңейтүүгө даяр экенин, өлкөдө жагымдуу инвестициялык климат түзүлгөндүгүн билдиришти. Буга катар Шаньдун провинциясынын партиялык комитетинин катчысы Лин У эки өлкөнүн базарларын кеңейтүү боюнча биргелешкен ишке даяр экендиктерин айтты. Конференцияда бир катар төмөнкү документтерге кол коюлду: -Кыргыз Республикасынын Чүй облусу менен Кытай Эл Республикасынын Шаньдун провинциясынын ортосунда боордоштук мамилелерди орнотуу жөнүндө макулдашуу; – КР Президентине караштуу Инвестициялар боюнча улуттук агенттик менен Шаньдун провинциясынын өнөр жай жана маалымат департаментинин ортосундагы стратегиялык кызматташтык жөнүндө Меморандум; -Ляочэн шаары менен Ысык-Ата […]
Бишкек шаарында Кыргызстан менен аймактык соода-экономикалык кызматташтыктын пилоттук аймагынын ортосунда ишкердик жолугушуу болуп өттү. Иш-чара тажрыйба алмашууга, инновациялык долбоорлорду өнүктүрүүгө жана экономикалык мамилелерди кеңейтүүгө арналды. Жолугушууга Кыргыз Республикасынын бизнес-түзүмдөрүнүн, Кыргыз Республикасынын Соода-өнөр жай палатасынын, Кыргыз темир жолу мамлекеттик ишканасынын жана башка бир катар мамлекеттик органдардын өкүлдөрү катышты. Мындан тышкары, иш-чарага кытайлык Wui Choi Holdings Limited, Macaо Bridge Technology (Qingdao Aozhong) Co., Гонконг ассоциацияларынын Шаньдун федерациясы, Qingdao Lu Hai Grain & Oil Co., Teld New Energy Co компанияларынын өкүлдөрү да келишти. Негизги темалардын бири ШКУнун пилоттук зонасы болду. Ал келечекте Кыргызстан менен Кытайдын ортосундагы кызматташтыктын маанилүү элементи болуп калышы мүмкүн. Бул аймак новатордук долбоорлорду иштеп чыгуу жана экономикалык мамилелердин чектерин күчөтүү үчүн эки тараптын бизнес үчүн уникалдуу мүмкүнчүлүгү болот. Улуттук агенттиктин директорунун орун басары Н.М.Басов өз сөзүндө Улуттук агенттик жагымдуу инвестициялык чөйрөнү түзүүгө көмөктөшүүгө, чет элдик инвесторлорго бардык зарыл болгон колдоолорду […]
Кыргыз Республикасынын Министрлер кабинетинин төрагасынын орун басары Эдил Байсалов бүгүн, 7-сентябрда, Кыргыз Республикасынын Президентине караштуу Инвестициялар боюнча Улуттук агенттиктин жамаатына ведомствонун жаңы башчысы Талантбек Имановду тааныштырды. Тиешелүү буйрукка Кыргыз Республикасынын Президенти Садыр Жапаров кол койду. Буга чейин Талантбек Иманов Кыргыз Республикасынын Санариптик өнүктүрүү министрлигин жетектеген. Улуттук агенттиктин мурунку директору Умбриэль Темиралиев башка ишке өткөндүгүнө байланыштуу, Кыргыз Республикасынын Президенти Садыр Жапаровдун башка буйругуна ылайык, кызматынан бошотулду.
Кыргыз Республикасынын Президентине караштуу Инвестициялар боюнча улуттук агенттигинде дүйнөдөгү эң ири азык – түлүк өндүрүүчү Nestlé Швейцариянын транс улуттук корпорациясынын өкүлдөрү менен жолугушуу болуп өттү. Жолугушууда Улуттук агаенттиктин директорунун орун басары Н.Баясов Кыргызстандагы жагымдуу инвестициялык климат жана экспорттук потенциал тууралуу айтып берип, продукцияларды өндүрүү тизмегинин бир бөлүгү боло турган 200дөн ашык ата мекендик экспорттук компаниялардын тизмеси менен тааныштырды. Швейцариянын транс улуттук корпорациясынын өкүлдөрү өндүрүштү Кыргызстанда локалдаштыруу мүмкүнчүлүгүнө кызыкдар экендиктерин билдирип, өлкөнүн географиялык жайгашуусу жана инвесторлор үчүн жеңилдетилген шарттар жагымдуу экендигин белгилешти. Маалымдама: Nestlé S.A (толук аталышы — Nestlé Société Anonyme) — дүйнөдөгү эң ири тамак-аш өндүрүүчү. Компаниянын Штаб-квартирасы Швейцариянын Веве шаарында жайгашкан. Анын продукциялары дүйнө жүзү боюнча чоң суроо-талапка ээ жана KitKat, Maggi, Nescafe, Nesquik, Nestea маркадагы бренд.
Урматтуу мекендештер, кесиптештер, өнөктөштөр жана достор! Сиздерди Кыргыз Республикасынын Президентине караштуу Инвестициялар боюнча Улуттук агенттиктин жана жеке өзүмдүн атымдан Кыргыз Республикасынын Көз карандысыздыккүнү менен куттуктайм! Бул маанилүү күнү биз өлкөбүздүн тарыхындагы маанилүү этап болгон жана анын өнүгүүсү үчүн жаңы горизонтторду ачкан Кыргызстандын көз карандысыздыгы жөнүндө декларациянын кабыл алынышынын 32 жылдыгын белгилеп жатабыз. Бул жылдар аралыгында биз экономикабызды чыңдоо, жарандарыбыздын жашоо деңгээлин жогорулатуу жана коомдук инфраструктураны жакшыртуу үчүн көп баскычтардан өттүк. Инвестициялар улуттук экономиканын өсүшүнүн негизги факторлорунун бири болуп калгандыгы кубандырат. Кыргыз Республикасынын Президентине караштуу Инвестициялар боюнча улуттук агенттик акыркы жылдары экономиканын реалдуу секторлоруна инвестицияларды тартуунун үстүндө талыкпай эмгектенип келет. Бардык өнөктөштөрүбүзгө, инвесторлорубузга алардын ишеними жана кызматташтыгы үчүн ыраазычылык билдиребиз. Биз Кыргыз Республикасына туруктуу инвестиция салууга кызыккандар үчүн бирдиктүү терезе катары кызмат кылууга дайым даярбыз. Бул майрам күнү баарыңыздарга ачык асман, тынчтык, бакубатчылык каалайбыз. Өлкөбүз экономикалык жактан өнүп, гүлдөп өсө берсин! […]
2023-жылдын 28-августунда Бишкекте 2023 – кыргыз-фин бизнес-форуму болуп өттү. Аны Кыргыз Республикасынын Президентине караштуу Инвестициялар боюнча улуттук агенттик, БУУӨПтүн Финляндия Өкмөтү каржылаган “Соодага көмөктөшүү” долбоорунун колдоосу менен уюштурду. Иш-чара кыргыз-фин бизнесинин ортосунда байланыш түзүү, энергетика, айыл чарба, курулуш, IT-технологиялар жана жашыл экономика сыяктуу тармактарда кызматташууну жайылтууга багытталды. Анда Кыргыз Республикасынын Министрлер Кабинетинин төрагасынын орун басары Эдил Байсалов, Финляндиянын Кыргыз Республикасындагы атайын жана ыйгарым укуктуу элчиси Сойли Мякеляйнен-Буханист, ЕСтин КРдагы өкүлчүлүгүнүн элчиси Мэрилин Йозефсон, БУУӨПтүн туруктуу өкүлүнүн орун басары Моника Ризал сөз сүйлөштү. Министрлер Кабинетинин төрагасынын орун басары Эдил Байсалов жаңы өнөктөштүк мамилелерди жөнгө салууну, инновациялык идеялар менен алмашууну жана пайдаланылбаган потенциалды изилдөөнү символдоштурган форумдун маанилүүлүгүн белгилеп, “2022-жылы Кыргызстандын Финляндияга экспорту 112 миң долларды, импорту 3,5 млн долларды түздү. Кыргыз Республикасында ар тараптуу чет элдик инвесторлор өз ишин жүзөгө ашырышат. Андыктан, Кыргызстан жаңы ишкерлерди кабыл алууга ар дайым даяр. Биз чет […]
Кыргыз Республикасынын Президентине караштуу Инвестициялар боюнча Улуттук агенттиги 2023-жылдын 19-августунда, Үрүмчү шаарында “Кытай-Евразия” ЭКСПО алкагында Кыргыз Республикасы менен Кытай Эл Республикасынын Синьцзян-Уйгур автоном районунун ортосунда соода-экономикалык кызматташтык боюнча бизнес-форум уюштурду. Бул иш-чарага Кыргызстан менен Кытайдын бизнес-коомчулугунун 200дөн ашык ишкерлери катышты. Анда эки тараптуу экономикалык мамилелерди өнүктүрүү маселелери талкууланды. Бизнес-форумда Кыргыз Республикасынын Министрлер Кабинетинин төрагасы А.Жапаров жана парткомдун катчысы, СУАРдын Саясий бюросунун мүчөсү Ма Синжуй мырза сөз сүйлөштү. Ошондой эле, экономика, энергетика министрлери, Инвестициялар боюнча Улуттук агенттиктин директору презентация жасашты. Улуттук агенттиктин директору У.Темиралиев “Биздин өлкөдө инвестициялык ишмердүүлүк жүргүзгөн инвесторлор 3 жылга чейинки мөөнөткө 10 млн. сом инвестиция босогосу менен инвестициялык виза алууга укуктуу. Бизнес-секторду стимулдаштыруу жана колдоо үчүн салык чөйрөсүндө либералдуу реформалар жүргүзүлүп, тамак-аш жана кайра иштетүү өнөр жай ишканалары үчүн колдонуудагы жеңилдиктер сакталды. Ошондой эле лицензиялык-уруксат берүү жана контролдоо – көзөмөлдөө чөйрөлөрүн реформалоо боюнча иштер жүргүзүлдү”, – деп белгиледи. […]
