2023-жылдын 14-августунда, Кыргыз Республикасынын Президентине караштуу Инвестициялар боюнча улуттук агенттиктин директору У.Т. Темиралиев Alibaba Group өкүлдөрү менен жолугушту. Тараптар атамекендик экспортерлорду B2B маркетплейс шапка жайгаштыруу боюнча маселелерди талкуулашты. Жолугушуунун жүрүшүндө ИУА директору кызматташуу багыттары жана КЭРден КРга инвестициялар бөлүгүндө эки тараптуу мамилелерди өнүктүрүүнүн артыкчылыктары жөнүндө маалымат берди. Ошондой эле, жалпы өлкөбүздүн инвестициялык климаты, жеңилдиктер жана преференциялар жөнүндө айтып берип, Кыргызстанда бонд кампаларын курууга инвестициялоо мүмкүнчүлүктөрүн карап чыгууну сунуштады. Мындан тышкары, У.Темиргалиев КЭР рыногуна ийгиликтүү экспорттоп жаткан экологиялык таза продукцияны өндүрүүчү өлкөнүн экспорттук потенциалы бар экендигин белгиледи. Alibaba Group өкүлдөрү кыргыз экспортчуларын соода аянтчасына чыгуусуна көмөк көрсөтүүгө, тиешелүү тренингдерди өткөрүүгө даяр экендигин белгилешти. Жолугушуунун жыйынтыгында атамекендик продукцияны электрондук коммерция аркылуу КЭР рыногуна чыгаруу боюнча ИУА жана Alibaba Singapore E-commerce Private Limited ортосунда өз ара түшүнүшүү жөнүндө Меморандумга кол коюлду. Жолугушуу экономикалык өсүш үчүн натыйжалуу башкаруу (EGED), Дүйнөлүк банк тарабынан ишке ашырылып, […]
9-августта Бишкекте текстиль жана жеңил өнөр жай тармагындагы кыргыз-корея бизнес форуму өттү. Иш-чаранын темасын эске алуу менен Кыргыз Республикасынын Президентине караштуу Улуттук инвестициялык агенттиктин директорунун орун басары Нурадил Баясов, Кыргыз Республикасынын Корея Республикасындагы элчиси Аида Исмаилова, Кыргыз Республикасынын Экономика жана коммерция министринин орун басары Айнура Усенбекова жана Корея Республикасынын Кыргызстандагы элчисинин орун басары Ю Чжисонг кириш сөзүн жана куттуктоо менен иш чараны ачышты. Форум Кыргыз Республикасынын Экономика жана коммерция министрлиги тарабынан, Кыргыз Республикасынын Президентине караштуу Улуттук инвестициялык агенттиктин жана Кыргыз Республикасынын Корея Республикасындагы Элчилигинин көмөгү менен уюштурулду. Белгилей кетсек, биринчи форум 2022-жылдын сентябрь айында өтүп, бүгүнкү күндө эки өлкөнүн бизнес-коомчулугу жеңил өнөр жай тармагында кызматташууну түзүүгө жана биргелешкен долбоорлорду ишке ашырууга активдүү кызыкдар. Белгилей кетсек, Кыргызстандагы биргелешкен кыргыз-корей жана чет элдик кореялык компаниялардын жалпы саны 41 ишкананы түзөт. Мындан тышкары, Улуттук инвестиция агенттигинин директорунун орун басары Нурадил Баясов өлкөнүн инвестициялык […]
Кыргыз Республикасынын Президентине караштуу Инвестициялар боюнча Улуттук агенттикте Хэнань провинциясынын Чжунмоу уездинин жана Чжэнчжоу шаарынын (КЭР) өкүлдөрү менен жолугушуу болуп өттү. Жолугушуунун жүрүшүндө Улуттук агенттиктин директорунун орун басары Н.Баясов Кыргызстандын экономикалык өнүгүүсүндөгү жетишкендиктер, кыргыз-кытай соода-экономикалык жана инвестициялык кызматташтыгынын келечектүү багыттары, ошондой эле, өлкөнүн инвестициялык жана экспорттук потенциалы тууралуу айтып берди. Өз кезегинде Чжэнчжоу шаарынын вице-мэри Ху Цян кыргыз тарапты өнүккөн электрондук өнөр жайы, автомобиль өнөр жайы, пахта, тамак-аш жана химиялык өнөр жайы менен таанымал Хэнань провинциясына келип кетүүгө чакырды. Хэнань провинциясына текстиль продукциялары өндүрүлүп, курулуш материалдары, дан эгиндерин иштетүү да абдан мыкты деңгээлде өнүккөн. Жолугушуунун жыйынтыгында Ат-Башы району менен Чжунмоу уездинин ортосунда боордоштук байланыш түзүү ниети тууралуу билдирүүгө кол коюлду. Ат-Башы районунун акими Э.Абдыкадыров менен Чжунмоу уезддин башчысы Дин Вэнься эки мамлекеттин жалпы гүлдөп-өнүгүшүнө көмөктөшүү максатында экономика, соода, илим жана техника, маданият, билим берүү, спорт, саламаттыкты сактоо жана адам ресурстары […]
“Ысык-Көл 2023” VII эл аралык экономикалык форумунда 11ден ашык макулдашуу болду. Анын ичинде айыл чарба тармагынын, энергетиканын, туризмдин инвестициялык келишимдери жана асмандын аймагында технопарктарды түзүү боюнча келишимдер бар. Казарман ГЭСтер каскадын куруу боюнча инвестициялык макулдашууга кол коюлганын өзгөчө белгилей кетүү керек. Форумга Кыргыз Республикасынын Министрлер Кабинетинин төрагасы Акылбек Жапаров да катышып, ал форумдун катышуучуларын Кыргызстанга инвестиция салууга чакырып, бизнес үчүн мамлекет тарабынан бардык шарттар түзүлгөнүн белгиледи. Ошондой эле, иш-чарага ККПнын Борбордук комитетинин мүчөсү, Цинхай провинциясынын ККП партиялык комитетинин катчысы Чэнь Ган, Азербайжан Республикасынын Премьер-министринин орун басары Али Ахмедов, Кытай, Россия, Өзбекстан, Азербайжан жана башка бир катар өлкөлөрдүн бизнес коомчулугунун 400дөн ашык өкүлдөрү катышты. Форумда айыл чарба; Энергетика жана креативдүү экономика; Өнөр жай кооперациясы жана курулуш тематикалары боюнча панелдик сессиялар болду. Чет өлкөлүк ишкерлер жана инвесторлор кыргыз өндүрүүчүлөрүнүн товарларынын көргөзмөсү менен таанышып, В2В форматында эки тараптуу жолугушууларды өткөрүштү. “Ысык-Көл 2023” VII […]
“Ысык-Көл – 2023” эл аралык экономикалык форумунда Казарман ГЭСтер каскадын куруу боюнча Кыргыз Республикасынын тарыхындагы эң ири инвестициялык келишимдердин бирине кол коюлду. Бул тууралуу Кыргыз Республикасынын Президентине караштуу Инвестициялар боюнча Улуттук агенттиктин директору Умбриэль Темиралиев билдирди. Кытай компанияларынын Консорциуму Казарман ГЭСин куруу боюнча 2 млрд доллардан ашык суммадагы долбоорду ишке ашырат. Ал 4 каскаддан турат, жалпы кубаттуулугу 1,160 МВт жана 2030-жылга чейин пайдаланууга берилиши күтүлүүдө. Жалпысынан форумда 11ден ашык келишим түзүлгөн. Алардын ичинде Айыл чарба тармагы, энергетика, туризм жана асмандын аймагында технопарктарды түзүү боюнча инвестициялык келишимдер бар. Улуттук агенттиктин директору Умбриэль Темиралиев “Форум 400 ишкер үчүн туруктуу байланыштарды түзүү жана инвестициялык транзакцияларды баштоо үчүн аянтча болуп калды. Инвестициялык долбоорлордун ийгилиги ар бир бүтүмдүн артында инвестициялык максаттар үчүн диалог жүргүзүүнү уланткан ишкердин аракетинен көз каранды”, – деп белгиледи.
2023-жылдын 26-июлунда «Кыргызстан-Азербайжан» бизнес-форумунун алкагында Улуттук агенттиктин директору У.Т. Темиралиев менен AZPROMO башкармалыгынын төрагасы Юсиф Абдуллаев жолугушту. Стратегиялык өнөктөштөр экономиканын ар кандай секторлорунда, анын ичинде соода, инвестиция, туризм, энергетика жана башка тармактарда кызматташуу мүмкүнчүлүктөрүн талкуулашты. Кыргыз-азербайжан өнүктүрүү фондунун алкагында 25 млн доллар капиталы менен ишке ашырыла турган конкреттүү долбоорлор белгиленди. Ошондой эле, тараптар Фонддун биринчи жыйыны тууралуу сүйлөшүп, бир пилоттук долбоорду иштеп чыгууну макулдашышты. У.Темиргалиев долбоордук каржылоо, мезониндик каржылоо же гибриддик каржылоо түрүндө каржылоонун жаңы инструменттери зарыл экенин белгиледи. Анын айтымында, кыргыз экономикасы түз инвестициялар жана жеңилдетилген кредиттер жагынан жетишсиз каржыланган, ошондуктан Фонд үчүн бул уникалдуу мүмкүнчүлүк. «Бул акча каражаттарын натыйжалуу жайгаштыруу, ошондой эле, Азербайжан менен Кыргызстандын ортосундагы соода-экономикалык өз ара мамилелерге активдүү импульс берүү үчүн уникалдуу мүмкүнчүлүк, анда фонд негизги плацдарм, Кыргызстан менен Азербайжандын ортосундагы бардык инвестициялык долбоорлорду каржылоо болушу мүмкүн», – деп да кошумчалады. Тараптар эки тараптуу кызматташтык […]
2023-жылдын 26-июлунда Кыргыз Республикасынын Президентине караштуу Инвестициялар боюнча улуттук агенттиги тарабынан Чолпон-Ата шаарында “Кыргызстан-Азербайжан” бизнес-форуму болуп өттү. Иш-чаранын башында Кыргыз Республикасынын Министрлер Кабинетинин төрагасынын орун басары Бакыт Төрөбаев жана Азербайжан Республикасынын Премьер-министринин орун басары Али Ахмедовдор сөз сүйлөштү. Ал эми Инвестициялар боюнча улуттук агенттиктин директору Умбриэль Темиралиев жана Азербайжандын экспорт жана инвестицияларды илгерилетүү агенттигинин директору Юсиф Абдуллаев эки өлкөнүн инвестициялык мүмкүнчүлүктөрү тууралуу айтып беришти. Форумга Азербайжандан 60тан ашуун ишкер жана инвесторлор келип, алар кыргыз өндүрүүчүлөрүнүн товарларынын, продукцияларынын көргөзмөсү менен таанышып, В2В форматында эки тараптуу жолугушууларды өткөрүштү. Жыйынтыгында төмөнкү эки тараптуу документтерге кол коюлду: 1. ЖАК Кыргыз фондулук биржасы менен ЖАК Баку фондулук биржасынын ортосундагы өз ара түшүнүшүү жөнүндө Меморандумга; 2. Смарт логистика ЖЧКсы менен Абшерон Логистик ЖЧКсынын ортосунда логистика тармагында кызматташуу жөнүндө Меморандумга; 3. Коммерциялык эмес уюм — “Азербайжандагы аялдар ишкердигин өнүктүрүү ассоциациясы” коомдук бирикмеси менен Куценко Людмилы Викторовна жетектеген […]
2023-жылдын 26-июлунда «Кытай (Цинхай) соода-экономикалык кызматташтыгынын Презентациясынын» алкагында Кытай Эл Республикасынын Цинхай провинциясынын делегациясы менен жолугушуу болду. Жолугушууда инвестиция, соода, энергетика, айыл чарба продукциясын кайра иштетүү жаатында эки тараптуу кызматташуу маселелери талкууланды. Кыргыз Республикасынын Президентине караштуу Инвестициялар боюнча Улуттук агенттиктин директорунун орун басары Н.М. Баясов Кыргыз Республикасында бизнести өнүктүрүү үчүн жагымдуу чөйрөнү түзүү боюнча жүргүзүлүп жаткан саясат жөнүндө маалымат берди. Ошондой эле, өлкөнүн инвестициялык жана экспорттук потенциалын тааныштырды. Иш-чаранын алкагында Цинхай провинциясынын коммерция департаменти менен Кыргыз Республикасынын Президентине караштуу Инвестициялар боюнча Улуттук агенттиктин ортосундагы кызматташтык жөнүндө; «Qinghai Province Qinghai Lake meat industry limited liability» ЖЧКсы менен «Кемин эт» ЖЧКнын ортосундагы жана «Qinghai Arab beauty Clothing Culture Co., LTD» ЖЧКсы менен «БАЙРА Толгонай» ЖЧКнын ортосундагы макулдашууларга кол коюлду.
Бул иш-чарага Кыргыз Республикасынын Министрлер Кабинетинин төрагасынын орун басары Бакыт Төрөбаев жана Азербайжан Республикасынын Премьер-министринин орун басары Али Ахмедов тийиштүү делегацияларды жетектеп келишти. Мындан тышкары аталган “Кыргызстан-Азербайжан” бизнес-форумуна Өкмөттөр аралык комиссиянын тең төрагалары да катышууда. Отурумдун жүрүшүндө эки өлкөнүн ишкерлер чөйрөлөрүнүн келечеги, саясий, соода-экономикалык, инвестициялык жана маданий-гуманитардык тармактардын эки тараптуу кызматташуу маселелери талкууланууда.
Кыргыз Республикасынын Министрлер Кабинетинин “Инвестициялык конкурстук тандоону өткөрүү методикасын бекитүү жөнүндө” токтомунун долбоору “Кыргыз Республикасындагы инвестициялар жөнүндө” Кыргыз Республикасынын Мыйзамын ишке ашыруу максатында иштелип чыккан жана анын мыйзам алдындагы актысы болуп саналат. Жогоруда аталган долбоордун максаты бирдиктүү эрежелер жана жол-жоболор боюнча ачык конкурстук тандоону өткөрүү болуп саналат. Бул инвестициялык долбоорлорду илгерилетүү жана ишке ашыруу маселелерин жеңилдетет. Инвестициялык долбоорду конкурстук тандап алууну өткөрүүнүн демилгечилери болуп Кыргыз Республикасынын Министрлер кабинети, министрликтер жана ведомстволор, жергиликтүү мамлекеттик администрациялар, жергиликтүү өз алдынча башкаруунун аткаруучу органдары чыга алышат. Конкурстук тандоону өткөрүүнүн жол-жобосу конкурстук негизде, эки этапта жүргүзүлөөрү каралган: биринчи этапта конкурстун катышуучуларынын документтеринин квалификациялык талаптарга ылайыктуулугун баалоо жүргүзүлөт; экинчи этапта конкурстук сунуштарды кароо жана техникалык, социалдык натыйжалуулукка жана экономикалык көрсөткүчтөр боюнча натыйжалуулукка баа берүүгө негизденип инвестициялык конкурстун жеңүүчүсүн аныктоо. Бул долбоорду кабыл алуу инвестициялык долбоорлорду ишке ашыруу үчүн түшүнүктүү жана натыйжалуу механизмдерди түзүү жолу менен өлкөнүн […]
