Эскерте кетсек, Жакынкы Чыгыштан инвесторлор Инвестициялар боюнча улуттук агенттиктин директору У.Т. Темиралиевдин чакыруусу менен келишкен. Делегациянын иш сапарынын жүрүшүндө ИУА Кувейт тарапка Кыргызстандын бизнес ассоциацияларынан жана ири ишканаларынан компаниялардын тизмесин изилдөө үчүн берген, Кувейт тарап кайсы компаниялар менен жолугушууларды өткөрүүгө кызыкдар экендигинин кыска тизмесин аныктады. ИУАнын колдосуу менен бул компаниялар менен В2В форматында сүйлөшүүлөр өттү. Ошондой эле ири инфратүзүмдүк долбоорлор үчүн мамлекеттик компаниялар менен өзүнчө жолугушуулар өткөрүлдү. Кувейт тарап мамлекеттик фонддордун каражаттарын, ошондой эле жеке үй-бүлөлүк кеңселерди ири мамлекеттик долбоорлорго тартууга жардам берүүгө кызыкдар экендигин билдирүү менен долбоорлорду толук изилдөө, инвестициялоо мүмкүнчүлүгүн аныктоо үчүн тыкыр маалымат берүүнү өтүндү. Кувейт инвестициялык компаниясынын делегациясынын иш сапарынын жыйынтыгында Кыргызстан менен Кувейттин ортосундагы экономикалык кызматташтыкты мындан ары өнүктүрүү үчүн негиздер түптөлдү.

Кыргыз Республикасынын Президенти С. Н.Жапаровдун Кытай Эл Республикасына жасаган алгачкы мамлекеттик сапарынан кийин эки өлкө ортосундагы соода-экономикалык кызматташтык илгерилөөдө. 2023-жылдын 23-майында Үрүмчү шаарында (КЭР) элчиликтин жана КЭР СУАР эл аралык  соодага көмөктөшүү комитетинин колдоосу менен Улуттук агенттик уюштурган Кыргыз Республикасынын Министрлер Кабинетинин Төрагасынын орун басары Б.Э. Төрөбаевдин Синьцзян-Уйгур автономиялык районунун жана Кыргызстандын бизнес чөйрөлөрүнүн өкүлдөрү менен иштиктүү жолугушуусу болуп өттү. Б.Төрөбаев өз куттуктоо сөзүндө бул иш-чаранын эки тараптуу кызматташтыкты өнүктүрүү жана эки мамлекеттин бизнес өкүлдөрүнүн ортосундагы ишкер мамилелерди чыңдоо үчүн маанилүүлүгүн белгиледи. Панелдик сессияга билим берүү, саламаттыкты сактоо, мейманкана бизнеси, архитектура жана курулуш, маалыматтык технологиялар, логистика жана эл аралык ташуулар, айыл чарба, энергетика, электрондук коммерция жана финансы сектору сыяктуу тармактардан Кыргызстандын 20дан ашык компаниясынын жана Кытайдын 80 компаниясынын өкүлдөрү катышты. Иш-чаранын ишкердик программасы маселелердин кеңири чөйрөсүн, анын ичинде бизнес кооперациясынын келечегин, экспортту илгерилетүү, региондук интеграция жана экономикалык өнүгүү маселелерин камтыды. […]

2023-жылдын 4-майында Баткен облусунун Баткен шаарында Кыргыз Республикасынын Президентинин Баткен облусундагы ыйгарым укуктуу өкүлүнүн алдындагы Бизнести өнүктүрүү жана инвестициялоо боюнча кеңештин биринчи отуруму болуп өттү. Жыйындын алкагында Кыргыз Республикасынын Президентине караштуу Улуттук инвестициялык агенттиктин директорунун орун басары Жээналиев Ж.М. Баткен облусунун инвестициялык мүмкүнчүлүктөрү жана Улуттук агенттиктин ишмердүүлүгү тууралуу презентация жасады. Өз сөзүнүн жүрүшүндө Жээналиев Ж.М. Баткен облусунда ишке ашырылып жаткан инвестициялык долбоорлор тууралуу жолугушуунун катышуучуларына маалымат берип, аймактагы инвестициялык климатты жакшыртууга багытталган конкреттүү демилгелерди сунуштады.

2023-жылдын 25-апрелинде Ош шаарында ЖИА Ассоциациясынын жергиликтүү өз алдынча башкаруу органдарынын жана ишкерлердин катышуусунда көчмө жыйын болуп өттү. Ош облусунун айыл аймактарынын башчылары жана бизнес-коомчулуктар үчүн жергиликтүү өз алдынча башкаруу органдарынын маалыматтуулугун жогорулатуу максатында «Инвестициялык саясатты ишке ашыруу», «Инвесторлорду коргоо», ошондой эле Ош облусунда МЖӨ долбоорлору боюнча презентациялар өткөрүлдү. ЖӨБ органдарына жана ишкерлерге инвесторлор үчүн түзүлгөн преференциялар жана жеңилдиктер, инвесторлорду коргоо механизмдери, МЖӨ долбоорлорун ишке ашыруунун тартиби, ошондой эле бизнес-пландарды даярдоо боюнча маалымат берилди. Иш-чаранын жыйынтыгында жергиликтүү өз алдынча башкаруу органдарын кызыктырган суроолорго жооптор берилди. Иш-чара IFCнин колдоосу менен уюштурулган. Инвесторлорду коргоо механизмин ишке ашыруунун алкагында өткөн жылы жалпы республика боюнча жергиликтүү өз алдынча башкаруу органдарына, мамлекеттик органдарга жана инвесторлорго түшүндүрүү иштерин жүргүзүү боюнча масштабдуу маалымат кампаниясы өткөрүлүп, ушул эле иш-чаралар учурда республиканын түштүгүндө да жүргүзүлүүдө, андан кийин Түндүк аймактарда өткөрүлөт. Маалымат үчүн: Кыргыз Республикасынын Министрлер Кабинетинин 2022-жылдын 28-январындагы №32 […]

Кыргыз Республикасынын Президентине караштуу Улуттук инвестициялык агенттиктин директорунун орун басары Нурадил Баясов Эл аралык финансы корпорациясынын (IFC) Жакынкы Чыгыш, Борбордук Азия, Түркия, Пакистан жана Афганистан боюнча улук менеджери М. Вилль Дю баштаган делегацияны кабыл алды. Жыйында инвесторлордун укуктарын коргоо жана венчурдук капиталды тартуу механизмдерин ишке киргизүү, ошондой эле Инвестициялык кодексти иштеп чыгуу маселелери талкууланды. Нурадил Баясов Улуттук агенттиктин ишмердүүлүгүнө көрсөткөн колдоосу үчүн IFCге ыраазычылык билдирди, ошондой эле бул багытта жүргүзүлүп жаткан иштерге токтолду. Тактап айтканда, УИА механизмге ылайык инвесторлордон түшкөн 16 арызды карап, анын 40 пайызы ийгиликтүү чечилип, 80 миллион АКШ долларына жакын инвестицияны жана 300гө жакын жумуш ордун үнөмдөөгө мүмкүнчүлүк түзгөнүнүн айтып берди. Мындан тышкары, Н.Баясов инвестицияларды тартуунун, илгерилетүүнүн жана коргоонун дагы деталдуу эрежелерин камтыган жаңы Инвестициялык кодексти иштеп чыгуу боюнча иштерге, ошондой эле венчурдук капиталдык тартууга укуктук негиз түзө турган атайын иштерге токтолду. «Менин оюмча, биздин биргелешкен ишибиз, […]

Кыргыз Республикасынын Президентине караштуу Инвестициялар боюнча Улуттук агенттиктин директору У.Темиралиевдин КЭРнын өнүктүрүү жана реформалоо боюнча мамлекеттик комитетинин чет өлкөлүк капиталды пайдалануу жана чет өлкөлүк инвестициялар боюнча департаментинин директорунун орун басары Чжан Цзяньхуа башында турган делегация менен жолугушуусу болуп өттү. КЭРдан келген делегация менен жолугушуунун жүрүшүндө У.Темиралиев Кыргыз Республикасындагы өзгөчө жеңилдиктер жана ошондой эле жалпы Кыргыз Республикасындагы инвестициялык климат жөнүндө айтып берди. Улуттук агенттиктин директору У. Темиралиев эки тараптуу экономикалык байланыштарды бекемдөө максатында түзүлгөн кыргыз-кытай ишкердик кеңеши жөнүндө жобого кол коюлганын билдирди. Ошондой эле ал делегациянын бардык мүчөлөрүн Кыргыз Республикасында өтө турган “Ысык-Көл 2023” эл аралык экономикалык форумуна чакырды. Жыйынтыгында Чжан Цзяньхуа айым жылуу кабыл алгандыгы үчүн ыраазычылык билдирип, кыргыз-кытай достук мамилесин өнүктүрүү ниетин билдирди. Кыргыз Республикасы жана Кытай Эл Республикасы ар кандай чөйрөлөрдө өз ара пайдалуу кызматташтыкты улантууга даяр жана өз ара мамилелерин мындан ары бекемдөөгө ниеттенишүүдө.

2023-жылдын 18-апрелинде Кыргыз Республикасынын Президентине караштуу инвестициялар боюнча Улуттук агенттиктин директорунун орун басары Ж.М. Жээналиев СПСКнын (Синьцзян өндүрүштүк-курулуш корпусунун) Башкы катчысынын орун басары Мурал Абылмайжин мырза баштаган Кытайдан келген делегация менен жолугушуусу болуп өттү. Жолугушууда Ж.М. Жээналиев Кыргыз Республикасынын артыкчылыктары жана преференциялары, жалпысынан Кыргыз Республикасынын инвестициялык климаты тууралуу айтып берди. Сүйлөшүүлөрдүн негизги темасы кайра жаралуучу энергия тармагындагы кызматташуу болду. Ж.М. Жээналиев, кайра жаралуучу энергия булактары боюнча долбоорлор Кыргыз Республикасынын экономикасын өнүктүрүүдө чон салым кошоорун баса белгиледи. Аны менен бирге Кыргыз Республикасынын эң жакын коңшусу жана стратегиялык өнөктөшү болгон Кытай Эл Республикасы менен кызматташуунун абдан маанилүүлүгүн белгиледи. Директордун орун басары Ж.М. Жээналиев эки тараптуу экономикалык байланыштарды чыңдоо максатында түзүлгөн кыргыз-кытай ишкерлер кеңеши жөнүндө жобого кол коюлганын билдирди. Ал ошондой эле делегациянын бардык мүчөлөрүн Кыргыз Республикасында өтө турган «Ысык-Көл-2023» эл аралык экономикалык форумуна чакырды. Соңунда Мурал Абылмайжин мырза жылуу кабыл алгандыгы үчүн […]

Кыргыз Республикасынын Президентине караштуу Инвестициялар боюнча улуттук агенттиктин директорунун орун басары Ж.Жээналиев жана МЖӨ борборунун директорунун орун басары У.Данилбеков Нарын облусу боюнча жумуш сапарынын алкагында артыкчылыктуу инвестицияларды жана МЖӨ долбоорлорун аныктоо боюнча жолугушууларды өткөрүштү. Жолугушууда Нарын облусун жетекчилигинин өкүлдөрү, ошондой эле райондук мамлекеттик администрациялардын, жергиликтүү өз алдынча башкаруу органдарынын жетекчилери жана жеке сектордун өкүлдөрү катышты. Жолугушууларда Нарын облусунун инвестициялык потенциалын чыңдоо жана мамлекет тарабынан колдоого муктаж болгон тармактарды аныктоо маселелери талкууланды. Жумушчу топ Нарын облусунун Ат-Башы, Ак-Талаа, Нарын жана Кочкор райондорунда болушту. Көчмө жыйындын жыйынтыгы боюнча күн энергиясы, бажы инфратүзүмү, ургалдуу багбанчылык, муниципалдык инфратүзүм жана башка секторлорго инвестиция тартуу боюнча долбоорлордун тизмеги аныкталды. Белгилей кетсек ушул иш-чаралар Кыргыз Республикасынын Президентинин 2022-жылдын 10-мартындагы №75 “Кыргыз Республикасынын башкаруу системасын өркүндөтүү жана инвестициялык потенциалды жогорулатуу боюнча чаралар жөнүндө” Жарлыгын аткаруу максатында жүргүзүлүүдө.

Бүгүн 2023-жылдын 16-мартында, Кыргыз Республикасынын Президентине караштуу Инвестициялар боюнча улуттук агенттик, Кыргыз Республикасынын Соода-өнөр жай палатасы, Кыргыз Республикасынын Элчилиги жана Кыргызстандагы USAID бизнес миссиясы менен биргеликте уюштурган соода-инвестициялык бизнес-форум өтүп жатат. Улуттук агенттиктин директору Умбриэль Темиралиев Кыргыз Республикасы менен Пакистан Республикасынын бизнес өкүлдөрүнүн ортосундагы эки тараптуу кызматташтыкты өнүктүрүү жана ишкердик мамилелерди чыңдоо үчүн бүгүнкү иш-чаранын маанилүүлүгүн баса белгиледи. Иш-чарага билим берүү, саламаттыкты сактоо, мейманкана бизнеси, архитектура жана курулуш, маалымат технологиялары, логистика жана эл аралык транспорт сыяктуу тармактардан 40тан ашык компаниялардын өкүлдөрү катышты. Бүгүнкү иш-чара ишкерлер үчүн кызматташууну активдештирүү жана ийгиликтүү жана жемиштүү B2B жолугушууларды өткөрүү мүмкүнчүлүгү болуп саналат. Форумдун жүрүшүндө ошондой эле Кыргызстандын өнөр жайчылар жана ишкерлер союзу менен Пакистандан келген «Глобалдык бизнес альянс» уюмунун ортосунда «Пакистан-Кыргызстан» соода үйүн түзүү боюнча келишимге кол коюлду.