“Декна Бишкек Текстиль” компаниясынын өкүлдөрү КР Президентине караштуу Инвестициялар боюнча улуттук агенттикке барып, бир катар маселелерди, анын ичинде жаңы текстиль фабрикасы үчүн жабдуулардын чек арасынан өтүү жол-жобосун талкуулашты. Жолугушууга КР Мамлекеттик бажы кызматынын жана КР Транспорт жана коммуникациялар министрлигинин өкүлдөрү чакырылып, инвесторлордун суроолоруна толук жооп беришти. Атап айтканда, Кытайдан кымбат баалуу жабдууларды ташуу менен байланышкан логистикалык маселелер талкууланды. Эскерте кетсек Кара-Балтадагы мурдагы килем комбинатынын базасында түрк инвесторлору жалпы аянты 53 миң м2 болгон жаңы текстиль фабрикасын ачууда. Бул долбоорду ишке ашыруу кошумча 800-1000 жумуш орундарын түзөт.

Эл аралык жеке ишкердик борборунун (CIPE) өкүлдөрү Улуттук агенттикте болушту. Жолугушуунун жүрүшүндө Түштүк жана Борбордук Азия боюнча программалык офицер Зулфикар Кхан Борбордук Азия өлкөлөрүндө ишкер чөйрөнү жакшыртуу боюнча (IBECA) программасы жөнүндө айтып берди, ал жеке сектордун демилгелерин колдоого, каржылоого жана инвестицияларга жетүү үчүн анын потенциалын күчөтүүгө, жеке секторго АКШнын инвестицияларын илгерилетүү үчүн мүмкүнчүлүктөрдү аныктоого, аймактык эксперттик жана бизнес тармактарды түзүүнү, ошондой эле инвестицияларды тартуу үчүн эл аралык байланыштарды колдоого багытталган. Жолугушуунун алкагында бизнес чөйрөнү жакшыртуу, экономикалык реформаларды жүргүзүү жана аймактык экономикалык интеграцияга жетишүү үчүн зарыл болгон тоскоолдуктарды жана артыкчылыктарды кошо алганда, улуттук ишкердик күн тартибинин маселелери талкууланды. Маалымат үчүн: CIPE – бул АКШнын коммерциялык эмес соода палатасынын түзүмү, ал жеке ишкердик жана рынок реформалары аркылуу дүйнө жүзү боюнча демократияны чыңдоо менен алектенет. Акыркы төрт он жылдыкта CIPE 138 өлкөдө 2800дөн ашык программаларды ишке ашырган.

Бүгүн, 2023-жылдын 7-июнунда Сочи шаарында “Евразия – биздин үйүбүз” аттуу көргөзмө өтүп жатат, анын алкагында” Кыргызстанда жасалган ” аттуу улуттук көргөзмө жайлары даярдалды. Ушул көргөзмө интеграциялык мүнөздөгү конкреттүү жетишкендиктерди жана иштеп чыгууларды презентациялоо, ошондой эле Евразия экономикалык бирлигинин (мындан ары – ЕАЭБ, Бирлик) өлкөлөрүнүн ишканаларынын кооперациялык кызматташтык боюнча биргелешкен ишинин натыйжаларын, анын ичинде Бирликтин мүчө мамлекеттеринин биргелешкен долбоорлорунун жыйынтыктарын чагылдыруу максатында өткөрүлөт. Кыргыз Республикасынын атынан 30дан ашык өнөр жай, тамак – аш, айыл чарба продукциясын өндүрүүчү компаниялар, ошондой эле текстиль-тигүү өнөр жайынын компаниялары катышууда.

Кыргыз Республикасынын Президентине караштуу Инвестициялар боюнча улуттук агенттик финансы-экономика чөйрөсүнүн бардык кызматкерлерин кесиптик майрамы менен куттуктайт жана ыраазычылык билдирет. Мамлекеттин өнүгүшүндө финансы-экономика чөйрөсү маанилүү ролду ойнойт. Адистер өнүгүү стратегияларын иштеп чыгуу менен гана алектенбестен, экономика процесстерин талдап, багытын болжолдошот жана өлкөбүздүн экономикалык өсүшүн жана жыргалчылыгын колдоо үчүн маанилүү чечимдерди кабыл алышат. Сизердин ишиңиздер жогорку чеберчиликти, эмгекти жана жоопкерчиликти талап кылат. Биз сиздердин кесиптик чеберчилигиңизди жогору баалайбыз жана бардык аракеттериңиздерде сиздерди колдоого даярбыз. Финансы-экономика системасынын бардык кызматкерлерине чың ден соолук, иштерине ийгилик каалайбыз жана кесиптик чеберчиликтеринин өсүүсүнө тилектешпиз.

2023-жылдын 26-январында Бишкек шаарында өткөн “Кыргызстан – Өзбекстан” бизнес-форумунун алкагында Улуттук агенттиктин маселелери боюнча иштелип чыккан макулдашууларды аткаруу максатында, ошондой эле 2023-жылдын 8-мартынан 11-мартына чейин Өзбекстан Республикасына Министрлер Кабинетинин Төрагасы-КР Президентинин Администрациясынын жетекчиси А. Ү. Жапаровдун сапарынын жыйынтыгы боюнча кол коюлган Улуттук агенттик менен Өзбекстан Республикасынын Инвестициялар, өнөр жай жана соода министрлигинин ортосундагы “Жол картасынын” тизмесине киргизилген долбоорлорду сапаттуу иштеп чыгуу үчүн Улуттук агенттиктин директору У.Т. Темиралиевдин Өзбекстан Республикасына жумушчу сапары болду. Сапардын жүрүшүндө Өзбекстан Республикасынын Инвестиция, өнөр жай жана соода министри Л. Ш. Кудратов менен жолугушту. Тараптар экономикалык мамилелерди өнүктүрүүнүн оң динамикасын белгилешти жана 2023-жылдын аягына чейин ишке ашыруу зарыл болгон бардык келишимдерди аткаруунун маанилүүлүгүн баса белгилешти. Ошону менен бирге ИУАнын директору У.Т. Темиралиев өндүрүш ишканаларына барды жана ишкерлер менен жолугушуу өткөрдү, алар Кыргыз Республикасына 70 млн.ашык АКШ долларын инвестициялоого кызыкдар жана даяр экендигин билдиришти. Мындан тышкары бүгүнкү күндө […]

КР Президентине караштуу Инвестициялар боюнча улуттук агенттик жана Дүйнөлүк Банктын өкүлдөрү жолугушуу өткөрүп, электрондук соода каналдары аркылуу экспорттук ишмердикти өнүктүрүүнүн келечегин талкуулашты. Инвестициялар боюнча улуттук агенттиктин директорунун орун басары Жалын Жээналиев ИУАнын ишин, тактап айтканда экспортту өнүктүрүү жана илгерилетүү боюнча жүргүзүлүп жаткан иштери тууралуу айтып берди. Борбордук Азиядагы электрондук коммерция боюнча программанын директору Чиу Ниу жетектеген Дүйнөлүк банктын миссиясы Кыргызстан менен башка өлкөлөрдүн ортосундагы экспорттук ишмердикти өнүктүрүүгө жана бизнес байланыштарын чыңдоого багытталган кызматташууга жана биргелешкен долбоорлорго даяр экендигин билдирди. Өзгөчө көңүл электрондук соода каналдары аркылуу айыл чарба продукцияларын экспорттоону уюштуруу маселелерине бурулду. Тараптар Кытай, Өзбекстан жана башка өлкөлөрдүн электрондук аянтчаларында Кыргыз Республикасынын экспорттоочуларын жана ишкерлерин каттоонун мүмкүн болгон кадамдарын талкуулашты.

Бүгүн, 31-майдагы Кыргыз Республикасынын Жогорку Кеңешинин жыйынында “2019-жылдын 14-июнунда Бишкек шаарында кол коюлган Кыргыз Республикасынын Өкмөтү менен Индия Республикасынын Өкмөтүнүн ортосундагы эки тараптуу инвестициялык келишимди ратификациялоо жөнүндө” мыйзам долбоору экинчи жана үчүнчү окууда жактырылды.

Кыргызстанда биринчи жолу чыгарылган СУКУК аль Мудараба – ислам баалуу кагаздары мамлекеттик каттоодон өттү. Кыргызстанда биринчи жолу чыгарылган СУКУК аль Мудараба – ислам баалуу кагаздары мамлекеттик каттоодон өттү. “Интеркаскад исламдык атайын финансылык компаниясы” ЖЧКсы жалпы 750 млн.сомдук үлүштүк катышуунун исламдык сертификаттарын чыгарды. Анын жүгүртүү мөөнөтү 2030-жылдын 31-декабрына чейин. Оригинатору Гонконгдо катталган “Интеркаскад Трейд энд Файненс Лимитед” компаниясы. Оригинатор өз бизнесин өнүктүрүү үчүн кошумча каражаттарды тартууну жана чогултулган каражаттарды пайдалануудан түшкөн пайданын үлүшүн инвесторлорго берүүнү пландаштырууда. Оригинатор Түштүк-Чыгыш Азия жана Борбордук Азия өлкөлөрүнүн ортосунда техника соодасын жүргүзөт. Эмитент менен оригинатордун ортосунда Мудараба келишиминин принциптерине негизделген инвестициялык макулдашуу түзүлгөн. Эскертүү: “Баалуу кагаздар рыногу жөнүндө” Кыргыз Республикасынын Мыйзамына ылайык ислам баалуу кагаздары – каржылоонун ислам принциптеринин (Шариат стандарттарынын) негизинде чыгарылган, эмитенттин белгиленген менчигиндеги же бизнесиндеги бөлүнгүс үлүшкө менчик укугун күбөлөндүрүүчү баалуу кагаздар. Кыргыз Республикасында эмитенттери СУКУК аль Мудараба – ислам баалуу кагаздарынын төмөнкү […]

Кыргыз Республикасынын Президентине караштуу Инвестициялар боюнча улуттук агенттиктин директорунун орун басары Жалын Жээналиев үстүбүздөгү жылдын 24-25-майында Москва шаарында (Россия Федерациясы) Жогорку Евразия экономикалык кеңешинин отурумунун алкагында өткөн “Көп полярдуу дүйнөдөгү евразиялык интеграция” Экинчи Евразия экономикалык форумунун ишине катышты. Форумду өткөрүү Евразия мейкиндигинде кооперациялык байланыштарды өркүндөтүүгө багытталган. Ишкер программанын негизги темалары бизнестин ЕАЭБдеги интеграциялык процесстердин эң актуалдуу жана талап кылынган маселелери болду. Форумдун ишине ЕАЭБге мүчө мамлекеттер, байкоочу өлкөлөр, ошондой эле катышууга чакырылган мамлекеттер тарабынан ири ишкер чөйрөлөрдүн 2000ден ашуун өкүлдөрү катышты. Форумда Жалын Жээналиев “ЕАЭБ – Латын Америкасы” тегерек үстөлү жана “ЕАЭБ-Индонезия”бизнес – диалогу аттуу панелдик сессияларда Кыргыз Республикасынан баяндамачы болду. “ЕАЭБ – Латын Америкасы тегерек үстөлүндө сүйлөгөн сөзүндө Ж.Жээналиев инвестициялык жана соода-экономикалык кызматташтыкты өнүктүрүү зарылдыгын белгиледи, бирок бул үчүн дал ушул соода-логистикалык маселелерди чечүү керектигине жана Латын Америкасы менен бизде экспорт жана импорт боюнча логистикалык каттамдар жоктугуна, ага карабастан […]

2023-жылдын 25-майында Үрүмчү шаарында Кыргыз Республикасынын Министрлер Кабинетинин орун басары Б.Э. Төрөбаев башында турган Кыргыз Республикасынын делегациясынын СУАР (КЭР) ишкерлери менен ишкер жолугушуусу болуп өттү. КР Тышкы иштер министрлигинин жана КР КЭРдеги элчилигинин колдоосу менен КР Президентине караштуу Инвестициялар боюнча улуттук агенттик “Хуахе Интернейшнл” Бизнес-консалтинг компаниясы менен биргеликте иш-чаранын демилгечиси болду. Б.Төрөбаев куттуктоо сөзүндө акыркы жылдары КР менен КЭРдин ортосундагы мамилелер бизнес чөйрөсүндө кыйла бекемделгенин белгиледи. “Бүгүнкү жолугушуубуз кызматташтыкты мындан ары бекемдөөгө өз салымын кошот, мамилелерибиз мындан да бекем жана жемиштүү болот деп ишенем”, – деп белгиледи ал. Инвестициялар боюнча агенттиктин директорунун орун басары Н.М.Баясов инвестициялык мүмкүнчүлүктөр тууралуу кыскача маалымат берди. Анын айтымында акыркы он жылда биздин региондун инвестициялык потенциалы бир нече эсеге өстү, бүгүнкү күндө КЭР ТЧИ агымынын 26,3% ашыгын же жалпысынан 275 млн. АКШ дол.               ээлейт, бул көрсөткүчтөр боюнча Кыргызстанда алдыңкы орунда турат. “Эң оболу, биз Кытай менен […]