Бүгүн Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров ири гидроэнергетикалык жана инфраструктуралык долбоорлорду ишке ашырууга адистешкен "ТГЭМ" компаниясынын өкүлдөрү менен жумушчу жолугушуу өткөрдү. Жолугушууга Таджикстан Республикасынын Кыргыз Республикасындагы Атайын жана ыйгарым укуктуу элчиси да катышты.
Жолугушуунун жүрүшүндө тараптар компаниянын Кыргыз Республикасынын аймагындагы инвестициялык жана инфраструктуралык долбоорлорду ишке ашырууга катышуу келечегин, ошондой эле мындан аркы кызматташуунун ыктымалдуу багыттарын талкуулашты.
"ТГЭМ" компаниясы Таджикстанда жана Өзбекстанда ири масштабдуу долбоорлорду ишке ашырууда олуттуу тажрыйбага ээ. Компания "Рогун" ГЭСи жана "CASA-1000" сыяктуу ири долбоорлорду ишке ашырууга катышкан.
— Равшанбек Сабиров
Компания тарабынан курулган маанилүү объекттердин бири — Душанбе шаарындагы эң ири театр комплекси.
Жолугушуунун жыйынтыгы боюнча тараптар өз ара аракеттенүүнү улантууну жана кызматташуунун потенциалдуу багыттарын, анын ичинде "ТГЭМ" компаниясынын Кыргыз Республикасындагы келечектүү долбоорлорду ишке ашырууга катышуу мүмкүнчүлүктөрүн кеңири иштеп чыгууну макулдашышты.