Кыргыз Республикасынын Президентине караштуу Инвестициялар боюнча улуттук агенттигинин башчысы Равшанбек Сабировдун тапшырмасы менен агенттиктин өкүлдөрү Талас облусуна жумушчу сапар менен барышты.
Сапар аймактардын инвестициялык дараметин жогорулатуу жана капитал тартууга жагымдуу шарттарды түзүү максатында уюштурулду.
Жумушчу сапардын алкагында 2026-жылдагы инвестицияларды өздөштүрүү темпи, долбоорлордун бирдиктүү реестрин түзүү жана бекитилген көрсөткүчтөрдүн аткарылышы каралды.
Кыргыз Республикасынын Президентинин Талас облусундагы ыйгарым укуктуу өкүлүнүн жетекчилиги жана Манас районунун акими Бакытбек Суюнбаев менен актуалдуу маселелер талкууланды.
Манас жана Талас райондорундагы негизги өнөр жай, айыл чарба жана энергетика объекттеринин иши менен жеринен таанышты.
Мониторингдин жыйынтыгы боюнча Улуттук агенттик жергиликтүү бийлик органдары жана инвесторлор менен биргеликте долбоорлорду туруктуу колдоону улантат, ошондой эле маселелерди жеринде ыкчам чечүүгө жана аймакка жаңы инвестициялык ресурстарды тартууга багытталган.