Кыргыз Республикасынын Президентине караштуу Инвестициялар боюнча улуттук агенттиктин башчысынын орун басары Дамирбек Бикулов Ысык-Көл облусунун Кажы-Сай айылында өтүп жаткан «Тескей Ысык-Көл» форумуна катышты.
Иш-чара Кыргыз Республикасынын Министрлер Кабинетинин Төрагасынын орун басары Улан Мамбеталиевдин катышуусунда өттү.
Форум мамлекеттик органдардын өкүлдөрүн, бизнес-коомчулукту жана эксперттик чөйрөнү бириктирип, аймактын социалдык-экономикалык өнүгүүсүнүн келечеги, инвестицияларды тартуу жана Ысык-Көл облусунун туристтик потенциалын өнүктүрүү маселелерин талкуулоого багытталды.
Иш-чаранын алкагында Тоң жана Жети-Өгүз райондорун өнүктүрүүгө багытталган демилгелер сунушталып, ошондой эле аймактын туруктуу өнүгүүсүн камсыз кылууга багытталган келечектүү инвестициялык долбоорлор талкууланды.