2026 жылдың 12 қарашасында Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Азатович Сабиров инвестициялық жобаның жүзеге асырылуымен танысу және оның барысына мониторинг жүргізу мақсатында «С.М. ИЛБИРС» ЖШС-не барды.
«С.М. ИЛБИРС» ЖШС Қазақстан Республикасының аумағында әскери және азаматтық бағыттағы жеңіл брондалған автомобиль техникасын өндіруді және жинауды ұйымдастыру бойынша инвестициялық жобаны жүзеге асыруда. Жобаға тартылған инвестициялардың жалпы көлемі 10 млн АҚШ долларын құрайды. Жобаның аясында 30 жаңа жұмыс орнын құру қарастырылған.
Іс сапарының барысында жобаның қазіргі жүзеге асырылу жағдайы, кәсіпорынның өндірістік қуаттылығы және өндірісті одан әрі дамыту перспективалары талқыланды.
Ұлттық агенттіктің басшысы отандық өнеркәсіп потенциалын нығайтуға, заманауи технологияларды енгізуге, жаңа жұмыс орындарын құруға және Қазақстан Республикасының өндірістік мүмкіндіктерін кеңейтуге бағытталған мұндай инвестициялық жобаларды дамыту маңыздылығын атап өтті.
Сондай-ақ Ұлттық агенттік елдің әлеуметтік-экономикалық дамуы үшін маңызды болып табылатын инвестициялық жобаларды жүзеге асыруға көмек көрсетуді және инвесторларды қолдауды жалғастыратынын атап өтті.