2026 жылдың 12 қарашасында Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров инвестициялық жобаның іске асырылуымен танысу және оның орындалуына мониторинг жүргізу мақсатында «Ду Кастомс» жауапкершілігі шектеулі серіктестігіне барды.
Ұлттық агенттік инвесторға заңдарда қарастырылған мемлекеттік жеңілдіктерді алу мәселелері бойынша көмек көрсетіп, инвестициялық жобаны қостау, мемлекеттік органдармен өзара әрекеттесуді қамтамасыз ету және жоба іске асырылу барысында туындаған мәселелерді шешуге көмектесу бағытында жұмыс жүргізуде.
Компания қалдықтарды қайта өңдеу және қайта пайдалану бағытында маманданған, оның негізінде кілем, жайнамаз, термокілем және ватин сияқты дайын өнімдерді шығарады.
Жобаға тартылған инвестициялардың жалпы көлемі 2,5 млрд теңгені құрайды. Компанияның өндірістік қуаты жылына 1 500 тоннаға дейін қалдықтарды қайта өңдеуге мүмкіндік береді. Қазіргі уақытта компанияда 35 жұмыс орны құрылды.
Жобаны іске асыру отандық өнеркәсіпті дамытуға, қалдықтарды қайта өңдеу көлемін көбейтуге, қоршаған ортаға тигізілген теріс әсерді азайтуға және жаңа жұмыс орындарын құруға ықпал етеді.
Ұлттық агенттік бұдан әрі де инвесторларға қолдау көрсетіп, Қазақстан Республикасының экономикасын, оның ішінде аймақтарын дамытуға бағытталған инвестициялық жобаларды қостауын жалғастырады.