Құрметті әріптестер мен серіктестер!
Қазақстан Республикасының Президентіне қарасты Инвестициялар жөніндегі ұлттық агенттік Біріккен Ұлттар Ұйымының Климаттың өзгеруі жөніндегі шеңберлік конвенциясының 31-конференциясының (COP31) аясында Түркияның Анталья қаласында өтетін тақырыптық панельдік сессияға қатысуға шақырады!
Қазақстан Республикасының инвестициялық потенциалы
«Қазақстан Республикасындағы климаттық инвестициялар: секторлық артықшылықтардан жобаларды іске асыруға дейін».
- Дата: 2026 жылдың 13 қарашасы, жұма
- Уақыт: 16:00–17:30 (Антальяның жергілікті уақыты бойынша)
- Өтетін орны: Қазақстан Республикасының Ұлттық павильоны
- COP31 тақырыптық күні: Finance and Trade Day — «Қаржы және сауда»
Не туралы сөйлесеміз?
Талқылаудың орталығында — Қазақстанның инвестициялық потенциалы және тұрақты және көміртексіз даму жобаларына капиталды тартудың нақты мүмкіндіктері.
Қатысушылар гидроэнергетика, су ресурстары, органикалық ауыл шаруашылығы, климаттық қаржыландыру және таулы аймақтарды тұрақты дамыту саласына инвестициялаудың перспективалық бағыттарын ұсынады.
Ерекше назар инвестициялық жағынан тартымды жобаларды әзірлеуге, қаржыландыру механизмдеріне, мемлекеттік-жекеменшік әріптестікке және стратегиялық артықшылықтардан жобаларды практикалық жүзеге асыруға қажетті халықаралық әріптестікке аударылады.
Бұл Қазақстанның инвестициялық жобалары мен артықшылықтары туралы алғашқылардың бірі болып білуге, мемлекеттік органдардың өкілдері, инвесторлар және климаттық қаржыландыру саласындағы сарапшылармен танысуға, ынтымақтастықтың болашағын талқылауға және жаңа кәсіпкерлік байланыстарды құруға мүмкіндік береді.
Халықаралық қаржы институттарының, климаттық қорлардың, инвестициялық компаниялардың, бизнестің, халықаралық ұйымдардың және сараптамалық қауымдастықтың өкілдерін шақырамыз!