Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров ЕлТР МТРК-сының тікелей эфиріне қатысып, елдің инвестициялық саясаты, шетелдік инвестицияларды тарту бағытында жүргізілген жұмыстар және алдағы жоспарлар туралы мәліметтермен бөлісті.
Тікелей эфирдің барысында Қазақстан Республикасының Президенті тарапынан қойылған жаңа міндеттердің аясында атқарылатын жұмыстар, инвестициялық климатты жақсарту, шетелдік инвесторлар үшін жағымды жағдайларды жасау және инвестиция көлемін көбейту мүмкіндіктері талқыланды.
Сонымен қатар, Равшанбек Сабиров шетелдік инвесторларға ұсынылып жатқан инвестициялық жобалардың саны, инвестиция тарту үшін артықшылықты бағыттар, соңғы халықаралық кездесулердің нәтижелері туралы мәліметтермен бөлісті.
Сондай-ақ инвесторлар тарапынан көтерілген негізгі мәселелерге және оларды шешу жолдарына тоқталды.