2026 жылдың 11 қарашасында Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров Гонконгтың Guosen Securities (HK) Capital Company Limited қаржылық компаниясының өкілдерімен кездесу өткізді.
Кездесудің барысында тараптар инвестициялық ынтымақтастықты дамыту перспективаларын, Қазақстан Республикасына халықаралық капиталды тарту мүмкіндіктерін, сондай-ақ перспективалық инвестициялық жобаларды қаржыландыру үшін заманауи қаржылық құралдарды пайдалану мәселелерін талқылады.
Компанияның өкілдері қазақ тарапты өз қызметінің негізгі бағыттары және халықаралық капитал нарықтарындағы тәжірибесі, оның ішінде облигацияларды шығаруды ұйымдастыру және қарыздық қаржыландыруды тарту саласындағы қызметімен таныстырды.
Кездесудің нәтижесінде тараптар одан әрі ынтымақтастықты дамытуға және өзара әрекеттесудің мүмкін болатын бағыттарын бірлесіп әзірлеуге қызығушылық танытатындықтарын білдірді.