Қазақстан Республикасының Президентіне қарасты Инвестициялар жөніндегі ұлттық агенттіктің басшысының орынбасары Жалын Жээналиев Қазақстан Республикасындағы Халықаралық қаржы корпорациясының (International Finance Corporation, IFC) өкілдігі басшысы Дмитрий Пятаченко және Дүниежүзілік банк тобының өкілдерімен кездесті.
Кездесудің барысында венчурлық қаржыландыру туралы заң жобасын ілгерілету және инвестициялаудың альтернативті көздерін дамыту мәселелері талқыланды.
Жалын Жээналиев серіктестерге қолдауы мен көмегі үшін алғыс білдіріп, инновациялық экономиканы дамытудың және жоғары технологиялық секторларға жеке капиталды тартудың негізгі факторларының бірі ретінде венчурлық инвестициялар үшін заманауи және тұрақты құқықтық базаны қалыптастырудың стратегиялық маңызын атап өтті.
IFC өкілдері венчурлық экожүйелерді дамыту бойынша халықаралық тәжірибені, оның ішінде Қазақстан мен Өзбекстанның практикасын, сондай-ақ бизнестің инвестициялық ресурстарға қолжетімділігін кеңейтуге және қаржылық инфрақұрылымды нығайтуға бағытталған альтернативті қаржыландыру көздерін реттеудің заманауи әдістерін ұсынды.
Кездесудің нәтижесінде тараптар сараптамалық-аналитикалық және техникалық қолдауды қоса алғанда, ынтымақтастықты одан әрі тереңдетуге дайын екендіктерін білдіріп, тиісті заң шығару бастамаларын ілгерілету бойынша бірлескен әрекеттерді координациялауды келісіп алды.
Бұл шараларды жүзеге асыру инвестициялық климатты жақсартуға, тұрақты қаржылық нарықты қалыптастыруға және Қазақстан Республикасындағы стартаптар мен венчурлық экожүйені қолдауға мүмкіндік береді.