“Ысык-Көл 2023” VII эл аралык экономикалык форумунда 11ден ашык макулдашуу болду. Анын ичинде айыл чарба тармагынын, энергетиканын, туризмдин инвестициялык келишимдери жана асмандын аймагында технопарктарды түзүү боюнча келишимдер бар.

Казарман ГЭСтер каскадын куруу боюнча инвестициялык макулдашууга кол коюлганын өзгөчө белгилей кетүү керек.

Форумга Кыргыз Республикасынын Министрлер Кабинетинин төрагасы Акылбек Жапаров да катышып, ал форумдун катышуучуларын Кыргызстанга инвестиция салууга чакырып, бизнес үчүн мамлекет тарабынан бардык шарттар түзүлгөнүн белгиледи.

Ошондой эле, иш-чарага ККПнын Борбордук комитетинин мүчөсү, Цинхай провинциясынын ККП партиялык комитетинин катчысы Чэнь Ган, Азербайжан Республикасынын Премьер-министринин орун басары Али Ахмедов, Кытай, Россия, Өзбекстан, Азербайжан жана башка бир катар өлкөлөрдүн бизнес коомчулугунун 400дөн ашык өкүлдөрү катышты.

Форумда айыл чарба; Энергетика жана креативдүү экономика; Өнөр жай кооперациясы жана курулуш тематикалары боюнча панелдик сессиялар болду. Чет өлкөлүк ишкерлер жана инвесторлор кыргыз өндүрүүчүлөрүнүн товарларынын көргөзмөсү менен таанышып, В2В форматында эки тараптуу жолугушууларды өткөрүштү.

“Ысык-Көл 2023” VII эл аралык экономикалык форуму келечекте ири инвестициялык долбоорлор жана макулдашууларды талкуулоодо пайдалуу байланыштарды түзгөн аянтча болуп калды.

Белгилей кетсек, бул форум 2014-жылдан бери ар кайсы өлкөлөрдөн бизнес-өкүлдөрүн чогултууну салтка айланткан. Аны Кыргыз Республикасынын Президентине караштуу Инвестициялар боюнча улуттук агенттик уюштурган.