Бүгін, 13-тамызда, Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров Ішкі Моңғолияның Талаа мәдениетін қорғау және дамыту қорынан, сондай-ақ Гонконг Жокей-клубының өкілдерімен кездесті.
Кездесудің барысында Қор мен Гонконг Жокей-клубының өкілдері Қазақстанда Халықаралық ат спорты кешенін құру бойынша бастамаларын таныстырды. Жобада халықаралық деңгейдегі ипподром, жаттығу базалары мен атқоралар, ветеринарлық және селекциялық-генетикалық орталықтар, қонақ үй, қазақ жылқы шаруашылығының тарих музейі және тиісті инфрақұрылымды құру қарастырылған.
Алдын ала кешенді шамамен 70 гектар жерге орналастыру қаралуда. Жоба 30 мың көрерменге арналған трибуна, 3 мыңға дейін жылқыны ұстау мүмкіндігі және 500-ден астам орындық қонақ үй қорын қамтиды.
«Жылқы шаруашылығы және ат мәдениеті қазақ халқының тарихи және мәдени мұрасында ерекше орын алады. Сол уақытта ұсынылған бастаманы экономикалық жағынан негіздеу және Қазақстан Республикасының заңдарының талаптарын ескере отырып, мұқият әзірлеу қажет»,
— Равшанбек Сабиров
Кешен болашақта халықаралық жарыстар, асыл тұқымды жылқылардың көрмелері мен аукциондарын өткізуге, сондай-ақ ат спорты, асыл тұқымды жылқы шаруашылығын және туризмді дамытуға мүмкіндік береді деп күтілуде.
Кездесудің нәтижесінде тараптар жобаны әрі қарай әзірлеуді, оның ішінде техникалық-экономикалық негіздемені дайындау, жер учаскесін анықтау және инвестициялық модельді әзірлеу бойынша жұмыстарды жалғастыруға келісім берді.