Бүгін, 29-мамырда, Қазақстан Республикасының Президентіне қарасты Инвестициялар бойынша ұлттық агенттікте венчурлық қаржыландыру бойынша заң жобалары туралы талқылау өтті. Іс-шараға бизнес-ассоциациялардың өкілдері, стартап экожүйесінің қатысушылары, инвесторлар және салалық сарапшылар қатысты.
Жиын барысында Қазақстан Республикасының «Венчурлық қаржыландыру туралы» заң жобасы, сондай-ақ венчурлық қаржыландыру мәселелеріне қатысты кейбір заң актілеріне өзгерістер енгізу бойынша бастамалар талқыланды. Сонымен қатар, бизнес-қоғамдастықтың ұсыныс-пікірлері қаралды.
«Бүгінгі күні инновациялық экожүйені дамыту, жаңа инвестициялық құралдарды енгізу және жеке капиталды тарту елдің инвестициялық потенциалын кеңейтудегі маңызды бағыттардың бірі болып табылады. Венчурлық қаржыландыру механизмдерін дамыту стартаптарды қолдауға, технологиялық кәсіпкерлікті алға жылжытуға және инвестициялық ортаны жақсартуға мүмкіндік береді»
— Равшанбек Сабиров, Қазақстан Республикасының Президентіне қарасты Инвестициялар бойынша ұлттық агенттіктің басшысы
Қатысушылар венчурлық қаржыландыру бойынша заңдардың қабылдануы стартап экожүйесін дамытуға, инвестициялық ортаның ашықтығын арттыруға және инновациялық жобаларға капитал тарту мүмкіндіктерін кеңейтуге мүмкіндік беретінін атап өтті.
Сондай-ақ мемлекеттік қолдаудың маңыздылығына ерекше назар аударылып, ынталандырушы механизмдерді және жаңа құралдарды енгізу Қазақстанда венчурлық нарықтың қалыптасуына оң әсер ететіні айтылды.
Құқықтық базаны құру венчурлық экожүйенің дамуы мен серіктестердің қызығушылығын арттыру үшін маңызды қадам.
— Даниэль Абдылдаев, Accelerate Prosperity ұйымының инвестициялық директоры
Жиынның нәтижесінде қатысушылар заң жобаларын жетілдіруге бағытталған ұсыныстармен бөлісіп, бұл бастамалар инновацияларды дамытуға, технологиялық кәсіпкерлікті қолдауға және инвестицияларды тартуға мүмкіндік беретініне айтты.