Бүгін, 11-майда, Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров Қытайдың China Construction Third Engineering Bureau компаниясының өкілдерімен кездесті.
Кездесудің барысында тараптар инвестициялық ынтымақтастықты дамыту перспективаларын, сондай-ақ Қазақстан Республикасының аумағында бірлескен инфрақұрылымдық және инвестициялық жобаларды іске асыру мүмкіндіктерін талқылады.
Равшанбек Сабиров Қазақстан Республикасы Қытай Халық Республикасымен стратегиялық серіктестікті нығайтуға ерекше мән беретінін және транспорттық инфрақұрылым, энергетика, логистика және өнеркәсіп салаларындағы ірі жобаларды іске асыруға халықаралық компанияларды тартуға қызығушылық танытатынын атап өтті.
Өз кезегінде China Construction Third Engineering Bureau компаниясының өкілдері Қазақстан Республикасындағы қызметін кеңейтуге және артықшылықты инвестициялық жобаларды, оның ішінде транспорттық коридорларды және инфрақұрылымдық объектілерді дамытуға қатысу мүмкіндіктерін қарастыруға қызығушылық танытатынын білдірді.
Кездесудің нәтижесінде тараптар диалогты және ынтымақтастықтың нақты бағыттарын бірлесіп әзірлеуді жалғастыруға келісім жасады.