Бүгін, 22-апрельде, Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров Қазақстан Республикасындағы Палестина мемлекетінің Арнайы және Өкілетті Елшісі Ваиль Ахмед Батрехи мен кездесті.
Кездесудің барысында тараптар екіжақты сауда-экономикалық және инвестициялық ынтымақтастықты дамытудың болашағын талқылады. Қазақстан тарап елдің инвестициялық потенциалы, инвестициялық климатты жақсартуға бағытталған жүргізіліп жатқан реформалар, сондай-ақ инвесторларды мемлекеттік қолдаудың қазіргі шаралары, оның ішінде салықтық жеңілдіктер, мемлекеттік-жеке серіктестік механизмдері және жобаларды «бір терезе» принципі бойынша қосу туралы ақпараттармен таныстырды.
«Қазақстан Республикасы жағымды және алдын ала болжауға мүмкін болатын инвестициялық ортаны құру бойынша жүйелі саясат жүргізіп келеді. Біз өзара пайдалы ынтымақтастықты дамытуға қызығушылық танытамыз және инвесторларға құқықтық кепілдіктерді, салықтық жеңілдіктерді және жобаларды іске асырудың барлық кезеңдерінде қосымша қолдау шараларының кешенін ұсынуға дайынбыз»
— Равшанбек Сабиров
Сұхбат барысында сондай-ақ құрылыс және инфрақұрылым, агроөнеркәсіп кешені және туризм сияқты басым бағыттарда бірлескен жобаларды іске асыру мүмкіндіктері талқыланды.
Кездесудің нәтижесінде тараптар серіктестік қатынастарды тереңдетуге, инвестициялық байланыстарды дамытуға және екі елдің кәсіпкерлік орталарының арасындағы практикалық өзара әрекеттесуді жандандыруға өзара қызығушылық білдірді.