2025-жылдын 22-сентябрында Улуттук агенттикте Кыргыз Республикасынын Президентине караштуу инвестициялар боюнча улуттук агенттиктин директору менен Япониянын Экономика, соода жана өнөр жай министрлигинин (MEI) делегациясынын жолугушуусу болуп өттү. Жолугушуунун жүрүшүндө жапон делегациясы туруктуу өнүгүүнү бекемдөөгө жана Глобалдык түштүк өлкөлөрү менен биргелешкен демилгелерди илгерилетүүгө багытталган “Глобалдык түштүк футуристтик биргелешип түзүү долбоорлору” (FS Global South) программасын сунуштады. Программа инновацияларга жана өз ара пайдалуу кызматташууга негизделген долбоорлорду ишке ашырууну карайт. Япониялык делегациянын иш сапарынын максаты – FS Global South программасынын алкагында интеграцияланышы мүмкүн болгон Кыргыз Республикасынын жергиликтүү муктаждыктарын жана мүмкүнчүлүктөрүн изилдөө. Маалымат алмашууга, тиешелүү мамлекеттик органдар менен макулдашууга жана келечектеги кызматташуунун башкы планын иштеп чыгуунун келечегин талкуулоого өзгөчө көңүл бурулду. Кыргызстанга келген Экономикалык өнүктүрүү министрлигинин делегациясы FS Global South долбоорунун башкы планын иштеп чыгууга катышып, Кыргызстанды аймактагы негизги өнөктөш катары карайт. Тараптар инвестициялык жана технологиялык өнөктөштүктү өнүктүрүүгө өз ара кызыкдар экендиктерин билдиришип, эксперттик деңгээлде диалогду улантууга макулдашышты.