Кыргыз Республикасынын Президентине караштуу Инвестициялар боюнча улуттук агенттиктин директору Равшанбек Сабиров Ван Вэнцин жетектеген «Венцин Компани» ЖЧКсынын башчысы Ван Вэньцин жана өкүлдөрү менен жолугушуу өткөрдү

Жыйында Ош облусунун Кара-Суу районунда көмүр казуу, жылуулук энергетика, акылдуу эсептөө инфратүзүмүн өнүктүрүү сыяктуу ири комплекстүү долбоорду ишке ашыруу талкууланды.

Долбоорго жумшалган инвестициянын жалпы көлөмү алдын ала болжол менен 2,275 миллиард долларга бааланган. Так суммасы техникалык-экономикалык негиздеменин жыйынтыгы менен аныкталат.

Интегралдык долбоор төрт негизги компонентти камтыйт: * ири көмүр кенин куруу; * жылуулук электр станцияларынын тобун куруу; * акылдуу эсептөө борбору үчүн инфратүзүмдү түзүү; * акылдуу эсептөөлөр үчүн жабдуулар тармагын ишке ашыруу

Жолугушууда Равшанбек Сабиров мамлекет стратегиялык инвестицияларды тартууга ар тараптуу колдоо көрсөтүп жатканын жана бул долбоорду ишке ашыруу үчүн жагымдуу шарттарды түзүүгө жардам берүүгө даяр экенин белгиледи.

Өз кезегинде инвесторлор Кыргыз Республикасы менен узак мөөнөттүү кызматташууга кызыкдар экенин билдирип, энергетика жана санариптик технологияларды өнүктүрүү боюнча аймактын жогорку потенциалын баса белгилешти.