Қазақстан Республикасының Президентіне қарасты Инвестициялар бойынша ұлттық агенттік және Gobon Group «Қазақстан Республикасындағы сауда-экономикалық аймақ» жобасын іске асыру бойынша өзара түсіністік және ынтымақтастық туралы меморандумға қол қойды.
Жоба сауданы, көрме қызметін, өнімді қайта өңдеуді, қойма логистикасын және тиісінше инфрақұрылымды біріктірген заманауи көп функционалды сауда-экономикалық алаңды құруды қарастырады.
Жобаның аясында сауда-көрме, өндірістік, қойма-логистикалық және кәсіпкерлік инфрақұрылымды құру жоспарлануда. Ұсынылған концепцияға сәйкес, жоба толық пайдалануға берілгеннен кейін 10 мыңға жуық жұмыс орнын құру күтілуде.
Меморандумға қол қою инвестициялық және сауда-экономикалық ынтымақтастықты дамытуға, бизнес үшін мүмкіндіктерді кеңейтуге және Қазақстан Республикасының транзиттік потенциалын нығайтуға бағытталған.