Сеул қаласында Қазақстан Республикасының Президентіне қарасты Инвестициялар жөніндегі ұлттық агенттіктің басшысы Равшанбек Сабиров Douzone Bizon Co., Ltd. компаниясының Президенті Чи Ёнгу мен кездесті.
Кездесу барысында тараптар жасанды интеллектті қолдану арқылы сандық технологиялар саласындағы инвестициялық ынтымақтастықты дамытудың перспективаларын, кәсіпкерлік байланыстарды кеңейтуді және өзара қызығушылық тудыратын бірлескен жобаларды жүзеге асыруды талқылады.
Қазақстан мен кореялық компаниялар арасында тікелей кәсіпкерлік байланыстарды нығайту инвестицияларды тарту және бірлескен жобаларды жүзеге асыру үшін жаңа мүмкіндіктер ашады деп сенемін. Біз ұзақ мерзімді және өзара пайдалы ынтымақтастыққа қызығушылық танытамыз.
— Равшанбек Сабиров
Кездесудің нәтижесінде Равшанбек Сабиров және Douzone Bizon Co., Ltd. компаниясының Президенті Чи Ёнгу өзара әрекеттесуді дамытуға және бірлескен бастамаларды жүзеге асыруға бағытталған Ынтымақтастық туралы меморандумға қол қойды.