Қазақстан Республикасының Президентіне қарасты Инвестициялар бойынша ұлттық агенттіктің басшысының орынбасары Мейірімбек Койчуманов Қытай Халық Республикасының Сямынь қаласында 2026 жылдың 8–11 қыркүйегінде өтетін 26-шы Қытай халықаралық инвестициялар және сауда жәрмеңкесіне (CIFIT) қатысуда.
CIFIT мемлекеттік органдардың, кәсіпкерлік орта мен инвестициялық қауымдастықтың өкілдерін біріктірген ірі халықаралық алаңдардың бірі болып табылады. Биыл жәрмеңкеге 129 ел мен аймақтан 1 200-ден астам мемлекеттік мекеме мен бизнес-делегация, сондай-ақ 30 халықаралық ұйымның өкілдері қатысуда.
Көрме бөлігінде 14 мамандандырылған зона ұйымдастырылып, кәсіпкерлік бағдарламаға инвестициялық форумдар, тақырыптық сессиялар, презентациялар және инвестициялық жобалардың роуд-шоулары енгізілген.
Кәсіпкерлік бағдарламаның аясында Мейірімбек Койчуманов іс-шараның қатысушыларына Қазақстан Республикасының инвестициялық потенциалын, инвестиция салу үшін келешекті бағыттарды және бірлескен жобаларды іске асырудың мүмкіндіктерін таныстырды.
Сондай-ақ ол шетелдік инвесторлар үшін қызықты болатын артықшылықты салалар мен кәсіпкерлік ынтымақтастықты дамыту мүмкіндіктері туралы ақпараттармен бөлісті.
Ұлттық агенттіктің CIFIT-2026-ға қатысуы Қазақстанның инвестициялық мүмкіндіктерін халықаралық бизнес қауымдастығына танытуға, потенциалды инвесторлар мен шетелдік серіктестермен байланыстарды кеңейтуге, сондай-ақ капитал тарту және бірлескен жобаларды іске асыру үшін жаңа мүмкіндіктерді құруға бағытталған.