Бүгін, 15-шілдеде, Қазақстан Республикасының Президентіне қарасты Инвестициялар жөніндегі ұлттық агенттіктің басшысының орынбасары Дамирбек Бикулов China Construction Fifth Engineering Division Corp., Ltd. (CSCEC 5th Bureau) компаниясының өкілдерімен кездесті.
Тараптар компанияның Қазақстан Республикасындағы қызметін, қазіргі жобалардың барысын және инвестициялық-инфрақұрылымдық ынтымақтастықты кеңейтудің болашақ бағыттарын талқылады.
Кездесудің барысында құрылыс және инфрақұрылым саласында заманауи технологияларға және халықаралық тәжірибеге ие ірі компанияларды тарту елдің басым бағыттарының бірі екені атап өтілді.
Сондай-ақ Инвестициялар жөніндегі ұлттық агенттік өз құзыреті шегінде инвесторларға қажетті қолдау көрсетуді және болашақтағы бастамаларды кешенді түрде сүйемелдеуді жалғастыратыны айтылды.
Кездесудің нәтижесінде тараптар инвестицияларды тартуға, инфрақұрылымды дамытуға бағытталған бастамаларды бірлесіп ілгерілетуге және ынтымақтастықты жалғастыруға келісім жасасты.