Қазақстан Республикасының Президентіне қарасты Инвестициялар жөніндегі ұлттық агенттіктің басшысы Равшанбек Сабиров Түркия Республикасының «TANFER» компаниясының өкілдері және Түркия Республикасының бокс федерациясының вице-президенті, директорлар кеңесінің төрағасы Мехмет Танфермен кездесті.
Кездесудің барысында Қазақстан Республикасы мен Түркия Республикасының арасындағы инвестициялық ынтымақтастықты кеңейту, елдегі инвестициялық климатты жақсарту және басым бағыттар бойынша бірлескен жобаларды іске асыру мәселелері талқыланды.
Равшанбек Сабиров Қазақстан Республикасында инвесторлар үшін қолайлы жағдайларды қалыптастыру мемлекеттік саясаттың басым бағыттарының бірі екенін атап өтіп, Инвестициялар жөніндегі ұлттық агенттік инвестициялық жобаларды кешенді түрде сүйемелдеп, инвесторларға барлық қажетті қолдауды көрсетуге дайын екенін мәлімдеді.
Қазақстан Республикасында инвестициялық климатты жақсарту, кәсіпкерлік жүргізуге қолайлы жағдайларды қалыптастыру және тікелей шетелдік инвестицияларды тарту бойынша жүйелі жұмыстар жүргізілуде. Біз елдің экономикасына нақты үлес қосқан, заманауи технологияларды енгізген және жаңа жұмыс орындарын құрған жобаларды қолдауға ерекше мән береміз. Түркия Республикасы мен инвестициялық ынтымақтастықты одан әрі кеңейтуге қызығушылығымыз бар.
— Равшанбек Сабиров
Өз кезегінде Түркия Республикасының өкілдері Қазақстан Республикасында Ұлттық биобезопасность бағдарламасын іске асыру бойынша инвестициялық ұсынысты таныстырды.
Жобаның жалпы құны 116,3 млн АҚШ долларын құрайды, тікелей шетелдік инвестицияларды тартуды қарастырады. Оны іске асыру аясында 1 600-ге дейін жаңа жұмыс орнын құру жоспарлануда. Сондай-ақ, жоба үшін қажетті инфрақұрылымды салу, жабдықтау және пайдалану шығындары толығымен инвестордың өз қаражаттары есебінен қаржыланатыны атап өтілді.
Кездесуде жобаның техникалық және ұйымдастырушылық аспектілері талқыланып, оны іске асыру мүмкіндіктерін құзыретті мемлекеттік органдардың қатысуымен бірлесіп қарастыру, сондай-ақ инвестициялық ынтымақтастықты тереңдету және өзара қызығушылық тудыратын жобаларды бірлесіп іске асыру бойынша келісімге қол жеткізілді.