Қазақстан Республикасының Президентіне қарасты Инвестициялар бойынша ұлттық агенттікте еркін экономикалық аймақтардың (ЕЭА) бас директорларының қатысуымен кеңесме болып өтті.
Жиында олардың қызметі, нормативтік-құқықтық базаны жетілдіру және өзекті мәселелерді шешу бойынша бірлескен әдістерді әзірлеу мәселелері талқыланды.
Қатысушылар практикалық тәжірибемен бөлісіп, инвестициялық жобаларды іске асыруда, резиденттерді тартуда және мемлекеттік органдармен өзара әрекеттесуде туындаған негізгі мәселелерді қарастырды.
Заңдарды жетілдіру бастамалары ерекше талқыланып, ЕЭА-ның тиімділігін арттыру, инвестициялық ортаны жақсарту және әкімшілік кедергілерді азайту мақсатын көздейтіндігі атап өтілді.
Жиынның нәтижесінде нормативтік-құқықтық базаны жетілдіру бойынша ұсыныстарды әзірлеуді жалғастыру және Ұлттық агенттікпен ЕЭА-ның дирекциялары арасындағы ынтымақтастықты нығайту туралы келісімдер болды.
Инвестициялар бойынша ұлттық агенттік елдің экономикасына инвестиция тартуды және еркін экономикалық аймақтардың инвестициялық потенциалын дамытуды көздейтін жүйелі жұмысын жалғастырады.