Бүгін, 23 маусымда, Қазақстан Республикасының мемлекеттік қызметкерлерінің кәсіби мерекесіне орай Қазақстан Республикасының Президентіне қарасты Инвестициялар жөніндегі ұлттық агенттіктің басшысы Равшанбек Сабиров мекеменің ұжымын кәсіби мерекесімен құттықтады.
Құттықтау сөзінде Равшанбек Сабиров мемлекеттік қызметкерлердің елдің дамуына маңызды рөлін атап өтіп, әрбір қызметкер өз міндеттерін жоғары жауапкершілік, кәсіпқойлық және дәлдікпен орындауы қажеттігін айтты.
«Мемлекеттік қызмет — бұл елдің дамуына бағытталған үлкен жауапкершілікті талап ететін жұмыс. Инвестицияларды тарту, инвесторлар үшін қолайлы жағдайлар жасау және Қазақстанның экономикалық әлеуетін арттыру бағытында әрбір қызметкердің еңбегі маңызды. Біздің негізгі міндетіміз — елдің мүддесі үшін тиімді жұмыс жүргізіп, тұрақты экономикалық өсуге және жаңа мүмкіндіктерді қалыптастыруға үлес қосу»
— Равшанбек Сабиров
Ол мекеменің қызметкерлеріне инвестициялық климатты жақсарту, шетелдік және отандық инвесторлармен өзара пайдалы ынтымақтастықты дамыту, сондай-ақ белгіленген міндеттерді сапалы жүзеге асыру бағытындағы жұмыстарды әрі қарай да жауапкершілікпен жалғастырудың маңыздылығын атап өтті.
Құттықтаудың соңында Қазақстан Республикасының Президентіне қарасты Инвестициялар жөніндегі ұлттық агенттіктің басшысы қызметкерлерге мықты денсаулық, отбасылық бақ-береке және тыныштық, сондай-ақ кәсіби қызметінде табыстар тіледі.