Іс сапарының барысында Қызыл-Кия қаласындағы «Асыл холдинг» ЖШС-нің құрғақ құрылыс қоспаларын өндіру жөніндегі жобасымен танысты. Кәсіпорынның өндірістік қуаттылығы тәулігіне 60–70 тоннаға дейін өнім шығаруға есептелген.
Сонымен қатар Ұлттық агенттіктің өкілдері Ноокат ауданындағы Алмалық ауылында «Шығыс құрылыс материалдары» ЖШС-і тарапынан жүзеге асырылып жатқан кірпіш зауытының құрылыс жобасының барысымен танысты. Кәсіпорынды орналастыру үшін өнеркәсіптік бағыттағы жерлер категориясына өткізілген 9 гектар жер телімі бөлінген. Тікелей инвестициялардың жалпы көлемі 6,5 млн АҚШ долларын құрап, жеке инвесторлар тарапынан қаржыландырылуда.
Зауыттың жобалық қуаттылығы жылына 20–30 миллион дана кірпіш өндіруге арналған. Қазіргі уақытта негізгі жабдықтар толық жеткізіліп, монтаждау жұмыстары жүргізілуде. Кірпіш күйдіру пешінің құрылысы аяқталған.
Объектілерді аралаудың нәтижесінде аталған жобалардың жүзеге асырылуы аймақтың өнеркәсіптік потенциалын дамытуға және жаңа жұмыс орындарын құруға мүмкіндік беретіні айтылды.