Бүгін, 4-маусымда, Қазақстан Республикасының Президентіне қарасты Инвестициялар жөніндегі ұлттық агенттіктің басшысының орынбасары Дамирбек Бикулов мәліметтерді өңдеу орталықтарын (деректер орталықтарын) құру және пайдалану бағытында жұмыс істеп жатқан қытайлық компанияның өкілдерімен кездесу өткізді.
Кездесу барысында сандық инфрақұрылымды дамыту, заманауи деректер орталықтарын құру, сондай-ақ мәліметтерді сақтау және өңдеу саласындағы инвестициялық жобаларды Қазақстан Республикасының аумағында жүзеге асыру мүмкіндіктері талқыланды.
Компанияның өкілдері сандық қызметтердің, бұлттық технологиялардың және жасанды интеллектке негізделген шешімдердің жұмысын қамтамасыз ететін мәліметтерді өңдеу орталықтарын жобалау, құру және басқару бойынша тәжірибесін таныстырды.
Дамирбек Бикулов Қазақстан Республикасының заманауи сандық инфрақұрылымды дамытуға және елдің инвестициялық тартымдылығын арттыруға бағытталған инвестицияларды және озық технологияларды тартуға қызығушылық танытатынын атап өтті.
Кездесудің нәтижесінде тараптар одан әрі өзара әрекеттесуді жалғастыруға және ынтымақтастықтың болашақ бағыттарын бірлесіп әзірлеуге дайын екендіктерін білдірді.