Seul shahrida O'zbekiston Respublikasi Prezidenti huzuridagi Investitsiyalar bo'yicha milliy agentlik rahbari Ravshanbek Sabirov Sellergo Co., Ltd. kompaniyasining Bosh direktori Junhwan Ho va HIGEN Healthcare kompaniyasining Bosh direktori Li Yongduk bilan uchrashdi.
Uchrashuv davomida axborot texnologiyalari, elektron savdo sohasidagi hamkorlikni rivojlantirish yo'nalishlari, shuningdek, tibbiy xizmatlarni raqamlashtirishga investitsiyalarni jalb etish masalalari muhokama qilindi.
"O'zbekiston raqamli iqtisodiyotni izchil rivojlantirib, zamonaviy texnologiyalar va investitsiyalarni jalb etishga qiziqmoqda. Koreyalik kompaniyalar bilan hamkorlik innovatsion yechimlarni joriy etish va turli sohalarda ko'rsatiladigan xizmatlar sifatini oshirish uchun yangi imkoniyatlarni ochadi"
— Ravshanbek Sabirov
Uchrashuv natijasida hamkorlik bo'yicha ikki Memorandum imzolandi: Sellergo Co., Ltd. kompaniyasi bilan IT va elektron savdo sohasida, hamda HIGEN Healthcare kompaniyasi bilan O'zbekistonda tibbiy xizmatlarni raqamlashtirishga investitsiyalarni jalb etish bo'yicha Memorandum tuzildi.
Imzolangan hujjatlar birgalikdagi loyihalarni bundan buyon rivojlantirishga, raqamli yechimlarni joriy etishga va O'zbekiston Respublikasining iqtisodiyotining ustuvor yo'nalishlariga investitsiyalarni jalb etishga asos bo'ladi.