Qirg'iziston Respublikasi Prezidentiga qarashli Investitsiyalar bo'yicha milliy agentlik rahbari Ravshanbek Sabirov ELTR MTRKning to'g'ridan-to'g'ri efirida ishtirok etib, mamlakatning investitsiya siyosati, chet el investitsiyalarini jalb etish yo'nalishida olib borilayotgan ishlar va kelgusi rejalar haqida ma'lumotlar bilan bo'lishdi.
To'g'ridan-to'g'ri efir davomida Qirg'iziston Respublikasi Prezidenti tomonidan belgilangan yangi vazifalar doirasida amalga oshiriladigan ishlar, investitsiya iqlimini yaxshilash, chet el investorlar uchun qulay shart-sharoitlar yaratish va investitsiya hajmini oshirish imkoniyatlari muhokama qilindi.
Bundan tashqari, Ravshanbek Sabirov chet el investorlariga taklif etilayotgan investitsiya loyihalari soni, investitsiya jalb etish uchun ustuvor yo'nalishlar, so'nggi xalqaro uchrashuvlar natijalari haqida ma'lumotlar bilan bo'lishdi.
Shuningdek, investorlar tomonidan ko'tarilgan asosiy muammolar va ularni hal etish yo'llariga to'xtalib o'tdi.