Bugun, 28-avgustda, Bishkek shahrida “Qirg'iziston-Xitoy: birgalikda rivojlanish va gullab-yashnash yo'lida” nomli Qirg'iz-Xitoy investitsiya forumi o'tmoqda. Tadbirga Qirg'iziston va Xitoyning davlat organlari, rivojlanish institutlari, moliya tashkilotlari va biznes sohalaridan 300 ga yaqin vakil ishtirok etmoqda.
Qirg'iz Respublikasi bilan Xitoy Xalq Respublikasi strategik hamkorlikni izchil rivojlantirib kelmoqda. Forum doirasida investitsiya hamkorligini kengaytirish, sanoat kooperatsiyasi, ishlab chiqarishlarni lokalizatsiya qilish, transport, energetika va logistika infratuzilmasini rivojlantirish, raqamlashtirish, shuningdek zamonaviy va “yashil” texnologiyalarni joriy etish masalalari muhokama qilinmoqda.
Bugungi kunda bizning vazifamiz - investitsiya hamkorligini kengaytirish bilan cheklanmasdan, uni aniq loyihalarga, yangi ishlab chiqarishlarga va uzoq muddatli hamkorlikka aylantirish. Bunday uchrashuvlar biznes vakillariga hamkorlik imkoniyatlarini bevosita muhokama qilish, hamkorlarni topish va muzokaralardan amaliy qarorlarga o'tishga shart-sharoit yaratadi.
— Ravshanbek Sabirov, Qirg'iziston Respublikasi Prezidenti huzuridagi Investitsiyalar bo'yicha milliy agentlik rahbari
Tadbir doirasida ikki tomonlama B2B uchrashuvlar o'tkazilib, unda qirg'iz va xitoy kompaniyalari o'z loyihalarini taqdim etib, hamkorlik imkoniyatlari va birgalikda tashabbuslarni amalga oshirish shartlarini muhokama qilmoqda. Shuningdek, investitsiya shartnomalariga, memorandumlarga, tijorat shartnomalariga va hamkorlik bo'yicha boshqa hujjatlarga imzo qo'yish rejalashtirilgan.
Tadbirning Xitoy Xalq Respublikasi Raisi Si Tsinpinning Qirg'iziston Respublikasiga bo'ladigan safari oldidan o'tkazilishi ikki mamlakatning iqtisodiy aloqalarini mustahkamlashga, ishbilarmon doiralar o'rtasidagi to'g'ridan-to'g'ri aloqalarni kengaytirishga va birgalikda loyihalarni amalga oshirishga zamin yaratadi.
Qirg'iz-Xitoy investitsiya forumi Qirg'izistonning chet eldagi hamkorlari bilan investitsiya va iqtisodiy hamkorligini rivojlantirishga qaratilgan xalqaro tadbirlarini davom ettirmoqda. Qirg'iziston Respublikasining Shanxay hamkorlik tashkilotiga raisligi doirasida Bishkekda “Qirg'iziston - Evroosiyo yuragi” investitsiya biznes-forumi o'tkazilsa, iyul oyida Qirg'iz-O'zbek investitsiya biznes-forumi o'tkazilgan.
Bundan tashqari, Qirg'iziston Respublikasi Prezidenti huzuridagi Investitsiyalar bo'yicha milliy agentlik “Qirg'iziston va Rossiyaning mintaqalari o'rtasidagi savdo-iqtisodiy va investitsiya hamkorligi” nomli davra suhbati teng tashkilotchisi bo'ldi. Tadbirda mintaqalararo aloqalarni rivojlantirish va savdo-iqtisodiy munosabatlarni mustahkamlash istiqbollari muhokama qilindi.
Yaqin kelajakda Qirg'iz-German Ishbilarmon kengashining navbatdagi yig'ilishi va Birinchi Markaziy Osiyo - Koreya biznes-summiti o'tkazilishi rejalashtirilmoqda. Shuningdek, kuzda “Markaziy Osiyo va Arab ko'rfazi mamlakatlari” II investitsiya forumini o'tkazish ko'rilmoqda.
Kelgusi tadbirlar to'g'ridan-to'g'ri ishbilarmonlik aloqalarini o'rnatishga, xalqaro hamkorlikni mustahamlashga va birgalikda tashabbuslarni amalga oshirishga qo'shimcha imkoniyatlar yaratadi.