Bugun, 6-avgustda, Qirg'iz Respublikasi Prezidentiga qarashli Investitsiyalar bo'yicha milliy agentlik rahbari Ravshanbek Sabirov Issiqko'l viloyatining Bosteri qishlog'ida o'tayotgan XII Qirg'iz-Rossiya mintaqalararo konferensiyasining doirasida tashkil etilgan VIII Qirg'iz-Rossiya iqtisodiy forumining rasmiy ochilish marosimida qatnashdi.
Forumning ochilish marosimi Qirg'iz Respublikasi Prezidenti Sadyr Japarov va Rossiya Federatsiyasi Prezidenti Vladimir Putinning video murojaatlari bilan boshlandi. Shuningdek, forum ishtirokchilariga Qirg'iz Respublikasi Vazirlar Mahkamasining Raisi – Qirg'iz Respublikasi Prezidentining Administratsiyasi rahbari Adilbek Qasymaliev tabrik so'zi bilan murojaat qildi.
Qirg'iz-Rossiya iqtisodiy forumi ikki mamlakat o'rtasidagi savdo-iqtisodiy, investitsion va mintaqalararo hamkorlikni rivojlantirish, shuningdek, qo'shma loyihalarni ilgari surish va tadbirkorlik aloqalarini kengaytirish masalalarini muhokama qiluvchi muhim maydonlardan biri hisoblanadi.
Forumga Qirg'iz Respublikasi va Rossiya Federatsiyasining davlat organlari, rivojlanish institutlari, mintaqaviy ma'muriyatlar, biznes-jamoatchilik va ilg'or kompaniyalar vakillari qatnashmoqda.