2026-yil 12-noyabrda O'zbekiston Respublikasi Prezidenti huzuridagi Investitsiyalar bo'yicha milliy agentlik rahbari Ravshanbek Sabirov investitsiya loyiha jarayoni bilan tanishish va uning amalga oshirilishiga monitoring o'tkazish maqsadida «Du Customs» mas'uliyati cheklangan jamiyatiga bordi.
Milliy agentlik investorni qonunlarda ko'zda tutilgan davlat imtiyozlarini olish masalalari bo'yicha yordam berib, investitsiya loyiha qo'shilishi, davlat organlari bilan o'zaro aloqani ta'minlash va loyiha amalga oshirilishi jarayonida yuzaga kelgan masalalarni hal qilishda yordam ko'rsatish yo'nalishida ish olib bormoqda.
Korxona chiqindilarni qayta ishlash va qayta foydalanish yo'nalishida ixtisoslashgan bo'lib, uning asosida gilam, joynamoz, termokiyiz va vatka kabi tayyor mahsulotlarni ishlab chiqaradi.
Loyihaga jalb qilingan investitsiyalarning umumiy hajmi 2,5 mlrd so'mni tashkil etadi. Korxonaning ishlab chiqarish quvvati yilda 1 500 tonnagacha chiqindilarni qayta ishlashga imkon beradi. Hozirda korxonada 35 ish o'rni yaratilgan.
Loyihani amalga oshirish mahalliy sanoatni rivojlantirishga, chiqindilarni qayta ishlash hajmini oshirishga, atrof-muhitga ta'sirini kamaytirishga va yangi ish o'rinlarini yaratishga ko'mak beradi.
Milliy agentlik bundan buyon ham investorlarni qo'llab-quvvatlab, O'zbekiston Respublikasi iqtisodiyotini, shu jumladan, mintaqalarni rivojlantirishga qaratilgan investitsiya loyihalarini qo'shishni davom ettiradi.