Инвестициялар боюнча улуттук агенттик Ак калпак күнүн белгиледи

Кыргыз Республикасынын Президентине караштуу Инвестициялар боюнча улуттук агенттик 5-март — Ак калпак күнүнө карата майрамдык иш-чара өткөрдү. Иш-чаранын жүрүшүндө Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров жамаатты куттуктап, ак калпак кыргыз элинин улуттук баалуулугу, тарыхый мурасы жана ыйык символу экенин белгиледи. Ал улуттук баш кийимге болгон сый-урматты сактоо ар бир жарандын милдети экенин баса көрсөттү. Майрамдын алкагында кызматкерлер улуттук баш кийимдерин кийип, калпак тууралуу ырлар айтылды. Иш-чара жылуу жана көтөрүңкү маанайда өтүп, улуттук салт-санааны даңазалоого багытталды. Ак калпак күнү жыл сайын 5-мартта белгиленип, кыргыз элинин маданий мурасын сактоого жана кийинки муунга өткөрүп берүүгө үндөйт.