2025-жылдын жыйынтыгы боюнча ЖМК өкүлдөрүн сыйлоо

2025-жылдын жыйынтыгы боюнча Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров өлкөнүн инвестициялык саясатын жана Улуттук агенттиктин ишмердүүлүгүн объективдүү чагылдырууга кошкон салымы үчүн жалпыга маалымдоо каражаттарынын өкүлдөрүнө Ардак грамоталарды тапшырды. Ал инвесторлордун ишенимин калыптандырууда жана өлкөнүн инвестициялык потенциалын илгерилетүүдө ЖМКнын маанилүү ролун белгилеп, журналисттерге кесипкөйлүгү жана конструктивдүү кызматташуусу үчүн ыраазычылык билдирди. Ошондой эле Равшанбек Сабиров журналисттерди келе жаткан Жаңы жыл менен куттуктап, бекем ден соолук, чыгармачылык жана кесиптик ийгиликтерди, 2026-жылы да жемиштүү кызматташууну каалады.