МЖӨ борбору Кыргыз Республикасынын 2030-жылга чейинки ЧОИни колдоо жана өнүктүрүү программасын талкуулоо боюнча стратегиялык сессияга катышты
Кыргыз Республикасынын Президентине караштуу Инвестициялар боюнча улуттук агенттиктин алдындагы Мамлекеттик-жеке өнөктөштүк борборунун өкүлдөрү Кыргыз Республикасынын 2030-жылга чейин чакан жана орто ишкердикти колдоо жана өнүктүрүү программасынын (МСП–2030) долбоорун талкуулоого арналган стратегиялык сессияга катышышты.
Иш-чара өлкөнүн инвестициялык климатын жакшыртуу боюнча практикалык чечимдерди иштеп чыгуу максатында мамлекеттик органдардын жетекчилерин, эл аралык уюмдардын башчыларын жана бизнес-коомчулуктун өкүлдөрүн бириктирди.
Темалык топтордун алкагында МЖӨ борборунун эксперттери ишкерлердин инфраструктуралык долбоорлорго жеткиликтүүлүгүн кеңейтүүгө багытталган каржылоо жана институционалдык координация багыттары боюнча сунуштарды киргизишти.
Катышуучулар бизнести колдоонун жана аймактык кластердик демилгелерди ишке ашыруунун натыйжалуу инструменттеринин бири катары мамлекеттик-жеке өнөктөштүк механизмдерин киргизүү маселесин талкуулашты.
Бул сессия келечектеги Программаны ишке ашырууда мамлекеттик органдардын жана өнөктөш уюмдардын ролдорун макулдашууга мүмкүнчүлүк берди.