Кыргызстанда ДСУнун инвестицияларды илгерилетүү боюнча келишимине кошулуу боюнча иштер улантылууда

Кыргыз Республикасынын Президентине караштуу Инвестициялар боюнча улуттук агенттик эл аралык соода борбору менен бирдикте “Борбордук Азиянын байкоочулары” долбоорунун алкагында ДСУнун инвестицияларга көмөктөшүү жөнүндө макулдашуусу боюнча улуттук өзүн-өзү баалоону валидациялоо боюнча семинар өткөрүүдө.

Биригүүгө даярдануунун алкагында Инвестициялар боюнча улуттук агенттик ведомстволор аралык жумушчу топту түзүп алган. Ал улуттук практикага ар тараптуу өзүн-өзү баалоону жүргүзөт. Топ келишимдин 23-беренесин карап чыгып, 500дөн ашык анкета суроолоруна жооп берет. Семинарда жыйынтыктар боюнча кемчиликтерди жана реформалардын артыкчылыктуу багыттарын аныктоо талкууланат.

“Улуттук өзүн – өзү баалоо жана аны валидациялоо кемчиликтерди аныктоого, инвестициялык чөйрөнүн ачыктыгын жана болжолдуулугун жогорулатуу үчүн реформалардын планын түзүүгө мүмкүндүк берет”, – деп белгилейт Кыргыз Республикасынын Президентине караштуу Инвестициялар боюнча улуттук агенттиктин директорунун орун басары Жалын Жээналиев.

Кыргызстандын Макулдашууга кошулушу инвесторлор үчүн жол-жоболорду жөнөкөйлөтүү, “бирдиктүү терезени” киргизүү жана өлкөнүн институционалдык потенциалын чыңдоо мүмкүнчүлүктөрүн ачат.