Кыргыз Республикасынын Президентине караштуу Инвестициялар боюнча улуттук агенттиктин директору Сабиров Равшанбек Азатовичтин куттуктоосу:

Урматтуу прокурорлор жана прокуратуранын ардагерлери!

Сиздерди Кыргыз Республикасынын Прокуратура кызматкерлери күнү менен чын жүрөктөн куттуктайм. Прокуратура ар дайым биздин мамлекеттин мыйзамдуулугун жана тартипти камсыздаган, ар бир жарандын укугун коргогон мамлекеттик орган болуп келет. Сиздердин күнүмдүк кызматыңыздар өлкөнүн туруктуулугуна, коопсуздугуна жана укуктук биримдигине кошулган зор салым болуп саналат.

Көптөрүңүздөр бул тармакка өмүрүңүздөрдү арнап, чоң тажрыйба топтоп, бүгүн жаңы муун таянган бекем пайдубалды түздүңүздөр. Сиздердин кесипкөйлүк, адилеттүүлүк жана талыкпастан иштөөңүздөр дайыма үлгү болот.

Сиздерге чың ден соолук, үй-бүлөлүк бакыт жана ишиңиздерде ийгиликтерди каалайм.

Майрамыңыздар кут болсун!