Кыргыз Республикасынын Президентине караштуу Инвестициялар боюнча улуттук агенттиги Бишкекте өткөн Кыргыз-Кытай (СУАР) Ишкер кеңешинин экинчи жыйынына катышты.

Иш-чаранын жүрүшүндө агенттиктин кызматкерлери Кыргыз Республикасынын инвестициялык климаты менен тааныштырып, өлкөнүн чет элдик инвесторлор үчүн ачыктыгын жана өкмөттүн учурдагы колдоо чараларын белгилешти.

Жолугушууда эки өлкөнүн бизнес өкүлдөрүнүн ортосундагы B2B жолугушуулары, ошондой эле СУАР (КЭР) менен Кыргызстандын ортосундагы сооданы жеңилдетүү жана эки тараптуу кызматташтыкты кеңейтүү, Кытай-Кыргызстан-Өзбекстан темир жол долбоорун ишке ашырууга байланыштуу кызматташуунун жаңы мүмкүнчүлүктөрү жана эки тараптуу экономикалык мамилелерди чыңдоо боюнча панелдик сессиялар өттү.

Улуттук агенттиктин катышуусу ишкердик байланыштарды өнүктүрүүгө жана Кытай рыногунда Кыргыз Республикасынын инвестициялык потенциалын жайылтууга салым кошту.