Республикасынын Президентине караштуу Инвестициялар боюнча улуттук агенттиги («Кытай-Кыргыз эл аралык тамеки компаниясы» менен кызматташуу жөнүндө меморандумга кол койду.
Бүгүн, 6-февралда Кыргыз Республикасынын Президентине караштуу Инвестициялар боюнча улуттук агенттиги («Кытай-Кыргыз эл аралык тамеки компаниясы» менен кызматташуу жөнүндө меморандумга кол койду. «Кытай-Кыргыз эл аралык тамеки компаниясы» Кыргызстанда юридикалык жактан катталган ишкана болуп саналат, анын уюштуруучусу кытайлык ишкер. Компаниянын негизги ишмердүүлүгү – тамекини кайра иштетүү, өндүрүү жана сатуу. Учурда «Кытай-Кыргыз эл аралык тамеки компаниясы» долбоорду ишке ашыруу үчүн жер тандоо жана бардык зарыл юридикалык жол-жоболорду бүтүрдү. Долбоор жумуш орундарын түзүүгө жана өлкөнүн өнөр жай потенциалын өнүктүрүүгө көмөктөшөт. Кыргыз Республикасынын Президентине караштуу Инвестициялар боюнча улуттук агенттиги инвесторлорго долбоорду ишке ашыруунун бардык баскычтарында ар тараптуу колдоо көрсөтүүгө даяр экендигин тастыктады.