Инвестициялар боюнча улуттук агенттик жана MEGA уюлдук байланыш оператору кызматташуу жөнүндө меморандумга кол коюшту

Кыргыз Республикасынын Президентине караштуу Инвестициялар боюнча улуттук агенттик жана мамлекеттик уюлдук байланыш MEGA оператору өлкөнүн инвестициялык потенциалын өнүктүрүүгө багытталган өз ара түшүнүшүү жөнүндө меморандумга кол коюшту.

Документ Кыргыз Республикасында инвестициялык чөйрөнү түзүү максатында кызматташууну, маалымат алмашууну жана консультацияларды жүргүзүүнү, ошондой эле өлкөнүн инвестициялык жагымдуулугун жогорулатууга багытталган демилгелерди колдоону карайт.

Меморандумга кол коюу мамлекеттик институттардын ортосундагы өнөктөштүктү чыңдоого багытталган маанилүү кадам болуп, Кыргыз Республикасынын туруктуу социалдык-экономикалык өнүгүүсүнө өбөлгө түзө турган инвестициялык долбоорлорду илгерилетүүгө шарт түзөт.