Инвестициялар боюнча улуттук агенттик түрк компаниясы AHED Plastik Sanayiнин жетекчилиги менен жолугушту

Кыргыз Республикасынын Президентине караштуу Инвестициялар боюнча улуттук агенттиктин директорунун орун басары Дамирбек Бикулов 1994-жылы негизделген жана геосинтетикалык, гидроизоляциялык материалдардын өндүрүшүндө алдыңкы орунда турган AHED Plastik Sanayi түрк компаниясынын жетекчилиги менен жолугушту.

Жолугушууда инновациялык технологияларды киргизүү, геосинтетикалык продукциянын түрлөрүн Кыргызстан рыногунда кеңейтүү жана келечекте өндүрүштү ачуу мүмкүнчүлүктөрү талкууланды. Ошондой эле өлкөнүн инфраструктуралык долбоорлорунда заманбап материалдарды колдонуу боюнча талкуулашты.

Инвестициялар боюнча улуттук агенттик компаниянын инвестициялык долбоорлорун илгерилетүү жана шарттарды түзүү боюнча кызматташууга даяр экенин билдирди.