Инвестициялар боюнча улуттук агенттик Кыргызстандын Куруучулар союзунун өкүлдөрү менен жолугушту

Кыргыз Республикасынын Президентине караштуу Инвестициялар боюнча улуттук агенттиктин директору Равшанбек Сабиров Кыргызстандын Куруучулар союзунун өкүлдөрү менен жолугушту.
Жолугушуунун жүрүшүндө тараптар кызматташтыктын мүмкүн болгон багыттарын, ошондой эле курулуш тармагында өзгөчө көңүл бурууну талап кылган актуалдуу маселелерди кеңири талкуулашты.
Жыйынтыгында мамлекеттик органдар менен курулуш тармагынын ортосундагы өз ара аракеттенүүнү жакшыртууга, ошондой эле курулуш долбоорлорун ишке ашыруудагы процесстердин ачык-айкын жана туруктуу болушуна Кыргыз Республикасынын Президентине караштуу Инвестициялар боюнча улуттук агенттик көмөк көрсөтөт.