Будапешттеги иш сапар жана энергетика тармагындагы кызматташтык
Кыргыз Республикасынын Президентине караштуу Инвестициялар боюнча улуттук агенттиктин Будапештке болгон иш сапарынын алкагында директордун орун басары Дамирбек Бикулов Венгриядагы эң ири энергетикалык компаниялардын бири — Electron Holding ишканасында болду.
Жолугушууда эки тарап энергетика боюнча кызматташуунун мүмкүнчүлүктөрүн, ошондой эле Кыргызстан аймагында ири инфраструктуралык долбоорлорду ишке ашыруу маселелерин талкуулашты.
Ошондой эле бизнес – делегация туризм, билим берүү, өнөр жай сыяктуу тармактардагы бир катар ишканаларды кыдырып, потенциалдуу өнөктөштөр менен жолугушууларды өткөрдү.