ҚР Президентінің жанындағы Ұлттық инвестициялар агенттігінің қабырғасында Түрік компаниясы «Proje Limited» өкілдерімен кездесу өтті.
Түрік кәсіпкерлеріне энергетика саласындағы мемлекет тарапынан ұсынылатын преференциялар, жеңілдіктер мен кепілдіктер ескеріле отырып, ақпарат берілді, сондай-ақ мемлекеттік-жеке серіктестік механизмі бойынша өзара тиімді жобалар таныстырылды.
Ақпарат ретінде: «PROJE LIMITED COMPANY» Түркияда жетекші жобалау және консультациялық бюро болып табылады, 1975 жылы құрылған. Бүгінгі таңда компанияның бас кеңсесінде және әртүрлі бірлескен инженерлік кәсіпорындарда 47 сәулетші, қала құрылысы маманы және ландшафт сәулетшісі жұмыс істейді, сонымен қатар Еуропа, Жапония, АҚШ және басқа елдерден көптеген халықаралық серіктестері бар.