Түркияның энергетикалық өндірушілер және кәсіпкерлер ассоциациясының шақыруымен Түркия Республикасының Измир қаласында іс-сапарында жүрген Қазақстан Республикасының Инвестициялар министрінің м.а Н.М. Баясов Измир еркін экономикалық аймағының жел және күн станцияларын өндіретін ірі компанияларында болды.
Министрдің міндетін атқарушы Н.М. Баясов кәсіпкерлерге Қазақстанның жел және күн энергиясының потенциалы бойынша ақпарат беріп, компанияларды елге инвестиция салуға шақырды.
Өз кезегінде түрік өндірушілері Қазақстанмен тығыз ынтымақтастықты және жасыл энергетиканы дамытуға әртүрлі қолдау көрсетуге дайын екендіктерін атап өтті.
Ескерте кетсек, Измир аймағы Түркияның күн және жел станцияларын өндіретін және аталмыш станциялардың ең көп орналасқан аймағы болып табылады.