Қазақстан Республикасының Инвестициялар министрінің м.а. Н.М. Баясов Түркия Республикасының Измир қаласында өткен "İZMİR AGROEXPO" ауыл шаруашылығы көрмесіне қатысты.
Бұл жылы 17-рет өтетін көрменің негізгі ұйымдастырушылары, "ORION FUARCILIK" компаниясының президенті Фатих Тан және вице-президенті Ырмак Танмен екіжақты кездесу өтті.
Кездесуде Қазақстан Республикасының ауыл шаруашылығы бағытындағы экспорттық әлеуеті туралы ақпарат беріліп, болашақтағы ынтымақтастық туралы сөз болды.
Келесі жылдағы ауыл шаруашылығы көрмесіне қазақ тарапына ақысыз негізде орын бөлуді келісуге қол жеткізілді.
Кездесудің соңында Н.М. Баясов ұйымдастырушылармен бірге аталмыш көрмені қарап шықты және түрік өндірушілерін Қазақстанға шақырды. Бұған жауап ретінде "ORION FUARCILIK" компаниясының вице-президенті жақын арада делегациямен Қазақстанға келетінін атап өтті.