Бүгін, 27-қазанда, Қазақстан Республикасының Президентіне қарасты Инвестициялар бойынша ұлттық агенттіктің басшысының орынбасары Дамирбек Бикулов БҰҰ-ның Қазақстан Республикасындағы Тұрақты координаторы Брайан Уильямспен кездесті. Кездесуде инвестицияларды тарту, инвестициялық саясатты жетілдіру және мемлекеттік органдардың институционалдық әлеуетін нығайту бағыттарындағы ынтымақтастықтың бағыттары талқыланды.
Тараптар Қазақстан Республикасының Президентіне қарасты Инвестициялар бойынша ұлттық агенттіктің 2027–2030 жылдарға арналған стратегиялық құжаттарын, оның ішінде Инвестицияларды тарту концепциясын, Ұлттық агенттікті дамыту стратегиясын және Инвестицияларды тарту бағдарламасын әзірлеу мәселелерін қарастырды. Сондай-ақ инвестициялық климатты жақсарту, инвесторлардың құқықтарын және заңды мүдделерін қорғау, мемлекетпен бизнестің арасындағы диалогты дамыту, инфрақұрылымдық және әлеуметтік маңызы бар жобаларды іске асыруға жеке капиталды тарту мәселелері талқыланды.
Мындан тыс, Қазақстан Республикасында Тұрақты даму саласындағы БҰҰ-ның ынтымақтастық аясында 2028–2032 жылдарға арналған бағдарламасын әзірлеу бойынша консультациялық процессіне Инвестициялар бойынша ұлттық агенттіктің қатысуы қарастырылды. Бұл процесте ұлттық инвестициялық артықшылықтарды ескеру мен тұрақты даму мақсаттарына жетудегі жеке сектордың қатысуын кеңейтудің маңыздылығы атап өтілді. Кездесудің нәтижесінде тараптар ынтымақтастықты әрі қарай дамытуға және бірлескен бастамаларды әзірлеуге қызығушылық білдірді.