Қазақстан Республикасының Президентіне қарасты Инвестициялар жөніндегі ұлттық агенттіктің басшысы Равшанбек Сабиров және Қазақстан Республикасының Президентінің Жалағаш облысындағы уәкілетті өкілі мен Қытайдың POWERCHINA компаниясының делегациясымен кездесті. Аталған компания инфрақұрылымдық құрылыс және энергетика саласындағы алдыңғы қатарлы халықаралық компаниялардың бірі болып табылады.
Кездесудің барысында тараптар Қазақстан Республикасының аумағында бірлескен инвестициялық жобаларды іске асырудың болашағын талқылады. Оның ішінде энергетикалық инфрақұрылымды дамыту, гидроэнергетикалық объектілерді салу, сондай-ақ қайта жаңартылатын энергия көздері саласындағы жобалар қаралды.
«Қазақстан Республикасы халықаралық инвесторлармен серіктестік қатынастарды жүйелі түрде нығайтып, стратегиялық маңыздағы жобаларды іске асыру үшін қолайлы жағдайларды жасап келеді. POWERCHINA сияқты ірі компаниялармен ынтымақтастық энергетикалық инфрақұрылымды дамытуда, инновациялық шешімдерді енгізуде және елдің тұрақты экономикалық өсімін қамтамасыз етуде жаңа мүмкіндіктерді ашады»
— Равшанбек Сабиров
Инвестицияларды тарту, заманауи технологияларды енгізу және елдің энергетикалық ресурстарын пайдаланудың тиімділігін арттыру мәселелеріне ерекше көңіл бөлінді. Қазақстан тарапы инвесторларға жан-жақты қолдау көрсетуге, оның ішінде жобаларды іске асырудың барлық кезеңдерінде қолдап тұруға дайын екенін атап өтті.
Кездесудің нәтижесінде тараптар мүмкін болатын жобаларды предметтік негізде одан әрі де әзірлеу және екіжақты инвестициялық ынтымақтастықты нығайту бойынша келісімге келді.